The news is by your side.

Advertisement

وزیر اعظم پاکستان میاں‌ نواز شریف “تاجکستان” کا دورہ کریں گے

اسلام آباد : وزیر اعظم پاکستان میاں محمد نواز شریف 12 مئی کو سینٹرل ایشیاء ساوتھ ایشیاء کانفرنس میں شرکت کے لئے تاجکستان کے شہر دوشنبہ روانہ ہونگے۔

تفصیلات کے مطابق سینٹرل ایشیاء ساوتھ ایشیا ء 1000 پاور پروجیکٹ کی افتتاحی تقریب اس ماہ کی 12 تاریخ کو تاجکستان کے شہر دوشنبہ میں منعقد کی جارہی ہے، اس پروگرام میں وزیر اعظم پاکستان کے علاوہ افغانستان اور کرغستان کے صدور بھی شرکت کریں گے۔

اس پروجیکٹ کی افادیت بیان کرتے ہوئے تاجکستان کے سفیر کا کہنا تھا کہ اس پلانٹ کی بدولت کرغستان اور تاجکستان میں پیدا ہونے والی بجلی کو پاکستان اور افغانستان میں با آسانی برآمد کیا جاسکے گا، یہ پلانٹ‌ 1000 میگا واٹ‌ بجلی پیدا کرنے کی صلاحیت رکھتا ہے۔

اس موقع پر انہوں نے مزید کہا کہ افغانستان کی جانب سے مکمل سیکورٹی کی فراہمی اور یقین دہانی کے باعث اس پروجیکٹ کا باقاعدہ آغاز کیا جارہا ہے۔

انہوں نے مزید اعلان کرتے ہوئے کہا کہ لاہور سے دوشنبہ براہ راست فلائٹ کا باقاعدہ آغاز 6 مئی سے کردیا جائے گا۔

ان کا مزید کہنا تھا کہ ہمیں اُمید ہے کہ اس نئے سلسلے سے دو طرفہ تجارت اور سیاحت میں‌ دونوں ملکوں کے عوام کو مدد ملے گی۔

Comments

comments

یہ بھی پڑھیں