وفاقی وزیر و صدر پی ٹی آئی سندھ علی زیدی نے کہا ہے کہ وزیراعظم عمران خان کا پیغام آیا ہے کوئی اچھی خبر آنے والی ہے۔
حقوق سندھ مارچ کے کراچی پہنچنے پر اختتامی خطاب میں وفاقی وزیر نے کہا کہ وزیراعظم نے آپ سب کو کامیاب مارچ پر مبارکباد دی ہے وزیراعظم نےکہا فوراً آپ اور شاہ محمودقریشی اسلام آباد پہنچیں لگتا ہے کوئی اچھی خبر آنے والی ہے۔
انہوں نے کہا کہ فیصل واوڈا کی طرح مرادعلی شاہ بھی دہری شہریت رکھتےہیں وزیراعلیٰ سندھ مرادعلی شاہ کینڈین شہری ہیں سپریم کورٹ سےمطالبہ ہے مرادعلی شاہ کوبھی نااہل کیاجائے سندھ میں قتل کےتمام مقدمات پر ازخود نوٹس لے کر جوڈیشل کمیشن بنائیں مرادعلی شاہ کاکیس بھی جلدسنیں اوراس منشی کوفارغ کریں۔
علی زیدی نے کہا کہ ہمارا پہلا مطالبہ سندھ کے لوکل باڈی قانون کا ہے بلدیاتی قانون کو مسترد کرتے ہیں سندھ میں بااختیار بلدیاتی نظام یقینی بنایا جائے بلدیاتی قانون دکیہ نوسی قانون ہے۔
ان کا کہنا تھا کہ پیپلز پارٹی اٹھارویں ترمیم کےگن گاتی ہے دوسرا مطالبہ ہےکےایم سی ایڈمنسٹریٹرکوتبدیل کیا جائے ہمارا تیسرا مطالبہ پی ایف سی ایوارڈ کرانےکاہے ضلعی سطح پرپی ایف سی ایوارڈجاری کیاجائے، چوتھا مطالبہ پولیس میں جعلی بھرتیوں کاسلسلہ بندکیاجائے پنجاب خیبرپختونخوامیں ہرشخص کےپاس ہیلتھ کارڈز موجود ہے بلوچستان حکومت نے بھی ہیلتھ کارڈ کیلئے سفارش کی ہے مطالبہ ہے سندھ میں بھی ہیلتھ کارڈ کی اجازت دی جائے۔
