The news is by your side.

Advertisement

وزیر اعظم کی زیر صدارت مشاورتی اجلاس شروع

اسلام آباد: وزیر اعظم نواز شریف کی زیر صدارت وزیر اعظم ہاؤس میں مشاورتی اجلاس شروع ہوگیا ہے۔ اجلاس میں ن لیگی رہنماؤں کی بڑی تعداد شریک ہے۔

تفصیلات کے مطابق پاناما فیصلے کے پیش نظر وزیر اعظم کی زیرصدارت مشاورتی اجلاس وزیر اعظم ہاؤس میں شروع ہوگیا ہے۔

اجلاس میں وفاقی وزرا خواجہ آصف، طارق فاطمی، خواجہ سعد رفیق، اسحٰق ڈار، احسن اقبال اور دیگر موجود ہیں۔

ذرائع کے مطابق قانونی ماہرین بھی اجلاس میں شرکت کریں گے۔

اجلاس میں پاناما کیس کے متوقع فیصلے، مسلم لیگ ن کے سیاسی مستقبل اور آئندہ کے لائحہ عمل کے بارے میں گفتگو کی جائے گی۔

یاد رہے کہ پاناما لیکس میں شریف خاندان کی اربوں کی جائیداد کا انکشاف ہونے کے بعد سپریم کورٹ میں جاری کیس کا فیصلہ کچھ دیر بعد سنایا جائے گا۔


Print Friendly, PDF & Email

Comments

comments

یہ بھی پڑھیں