The news is by your side.

وزیر اعظم ہاؤس کی آڈیو لیکس، 12 رکنی تحقیقاتی کمیٹی کا پہلا اجلاس آج ہوگا

اسلام آباد: وزیر اعظم ہاؤس کی آڈیو لیکس کے سلسلے میں تشکیل شدہ 12 رکنی تحقیقاتی کمیٹی کا پہلا اجلاس آج ہوگا۔

تفصیلات کے مطابق وزیر اعظم ہاؤس کی آڈیو لیکس پر پہلا اجلاس آج ہوگا، سائبر سیکیورٹی کی تحقیقاتی کمیٹی کی سربراہی وزیر داخلہ کریں گے۔

آئی ایس آئی اور آئی بی کے افسران بھی کمیٹی میں شامل ہیں، کمیٹی تحقیقاتی رپورٹ اور سفارشات وزیر اعظم کو دے گی، ٹی او آرز اور نوٹیفکیشن جاری کر دیا گیا ہے۔

اسٹریٹجک اداروں، وزیر اعظم ہاؤس اور دفتر کے سیکیورٹی پروٹوکول پر بھی نظرثانی کی جائے گی۔

سائبر سیکیورٹی بریچ کی تحقیقات میں تمام پہلوؤں کو مدنظر رکھا جائے گا، سائبر حملوں کو روکنے کے اقدامات، ٹیبلٹس، اسمارٹ فونز، اور وائی فائی سمیت الیکٹرانک آلات بھی چیک کیے جائیں گے۔

Comments

یہ بھی پڑھیں