The news is by your side.

Advertisement

یومیہ اخراجات: وزیراعظم ہاؤس 25 لاکھ، ایوان صدر کے لیے 12.5 لاکھ مختص

اسلام آباد: نئے مالی سال کے بجٹ میں وزیراعظم ہاؤس کے اخراجات کی مد میں یومیہ 25 لاکھ اور ایوان صدر کے لیے یومیہ ساڑھے 12 لاکھ روپے مختص کردیے گئے۔

تفصیلات کے مطابق جمعے کو قومی اسمبلی کے اجلاس میں وزیر خزانہ اسحق ڈار نے نئے مالی سال 2017-18 کا وفاقی بجٹ پیش کیا جس میں دیگر اخراجات کے ساتھ ساتھ وزیراعظم ہاؤس اور ایوان صدر کے یومیہ اخراجات کی مد میں مختص رقم میں اضافہ کردیا گیا۔

بجٹ دستاویزات کے مطابق وزیراعظم ہاؤس کے گزشتہ مالی سال کے یومیہ اخراجات 24 لاکھ 30 ہزار 584 روپے تھے سالانہ حساب سے یہ رقم 88 کروڑ 95 لاکھ 94 ہزار روپے بنتی تھی تاہم اس رقم پر نظر ثانی کی گئی تھی اور یہ رقم بڑھ کر 95 کروڑ 6 لاکھ 13 ہزار تک پہنچ گئی تھی۔

اس بجٹ میں یہ رقم 24 لاکھ یومیہ سے بڑھا کر 25لاکھ روپے یومیہ کردی گئی ہے جو کہ سالانہ اعتبار سے 91 کروڑ 67 لاکھ 22 ہزار روپے بنتے ہیں۔

امکان ہے کہ اس بار بھی مالی سال کے اختتام پر ان اخراجات پر نظر ثانی کردی جائے گی اور یہ اخراجات ایک ارب روپے تک پہنچ جائیں گے۔

اسی طرح ایوان صدر کے لیے مختص یومیہ رقم میں اضافہ کردیا گیا ہے اور اب ایوان صدر کے لیے یومیہ ساڑھے بارہ لاکھ روپے مختص کردیے گئے ہیں جو کہ سالانہ 45 کروڑ 75 روپے بنتے ہیں۔

اسی سے متعلق: پانچ ہزار 310 ارب کا بجٹ پیش، تنخواہ و پنشن میں‌ 10 فیصد اضافہ

Print Friendly, PDF & Email

Comments

comments

یہ بھی پڑھیں