عمران خان کی کراچی میں مصروفیات کا شیڈول لیک ہونے کا انکشاف -
The news is by your side.

Advertisement

عمران خان کی کراچی میں مصروفیات کا شیڈول لیک ہونے کا انکشاف

کراچی: وزیرِ اعظم کی سیکورٹی میں بڑی خامی سامنے آ گئی، عمران خان کی شہرِ قائد میں آمد سے متعلق مصروفیات کا شیڈول لیک ہونے کا انکشاف ہوا ہے۔

تفصیلات کے مطابق وزیرِ اعظم کی سیکورٹی میں بڑے نقص کا پتا چلا ہے، عمران خان کب کراچی کے لیے روانہ ہوں گے، کب لینڈ کریں گے، سب شیڈول پہلے ہی لیک ہو گیا۔

شیڈول کے مطابق کراچی کے دورے کے موقع پر وزیرِ اعظم عمران خان کب کس سے اور کہاں ملاقات کریں گے، یہ معلومات بھی لیک کر دی گئیں۔

وزیرِ اعظم کے اجلاسوں سے متعلق معلومات بھی باہر آ گئیں، شیڈول لیک کرنے میں کون ملوث ہے اور اس کا مقصد کیا ہے، یہ سوالات اٹھنے لگے ہیں۔


یہ بھی پڑھیں:  ایم کیو ایم نے وزیرِ اعظم عمران خان کو لاپتا افراد کی فہرست پیش کر دی


واضح رہے کہ وزیرِ اعظم عمران خان کراچی کے ایک روزہ دورے پر ہیں، انھوں نے دورے کا آغاز مزارِ قائد پر حاضری سے کیا، وزیرِ اعظم پاکستان نے لیاقت علی خان اور فاطمہ جناح کے مزار پر بھی حاضری دی۔

وزارتِ عظمیٰ کا حلف اٹھانے کے بعد عمران خان کا یہ کراچی کا پہلا دورہ ہے، انھوں نے وفاق کے تعاون سے کراچی میں جاری ترقیاتی منصوبوں اور امن و امان سے متعلق الگ الگ اجلاسوں کی صدارت کی۔

شیڈول کے مطابق متحدہ قومی موومنٹ کے وفد نے بھی وزیرِ اعظم سے اسٹیٹ گیسٹ ہاوٴس میں ملاقات کی، وفد نے دیگر مطالبات کے ساتھ ساتھ وزیرِ اعظم عمران خان کو اپنے لاپتا کارکنوں کی فہرست بھی دی۔

Comments

comments

یہ بھی پڑھیں