اسلام آباد : وزیراعظم عمران خان نے سعودی ولی عہد کی جانب سے مڈل ایسٹ گرین انیشیٹو سمٹ میں شرکت کی دعوت قبول کرلی ، سمٹ اکتوبر میں سعودی عرب میں ہوگی۔
تفصیلات کے مطابق وزیراعظم عمران خان سے سعودی سفیر کی ملاقات ہوئی ، ملاقات میں سعودی سفیر نے وزیراعظم کو سعودی ولی عہد محمدبن سلمان کی جانب سے میڈل ایسٹ گرین انیشی ایٹو سمٹ میں شرکت کی دعوت کا پیغام پہنچایا۔
وزیراعظم عمران خان نے سمٹ میں شرکت کی دعوت قبول کرلی، مڈل ایسٹ گرین انیشی ایٹو سمٹ کا انعقاد سعودی عرب کی میزبانی میں اکتوبر میں سعودی عرب میں ہوگا۔
سعودی عرب پاکستان کے کلین گرین منصوبے کی طرح مڈل ایسٹ گرین انیشی ٹو شروع کررہاہے ، پاکستان اور سعودی عرب 10ارب درختوں کےمنصوبےکی طرز پرتعاون کریں گے۔
سعودی ولی عہد کی جانب سے دعوت نامہ پاکستان ماحولیاتی کردار کی عالمی سطح پر پذیرائی کا ثبوت ہے۔
یاد رہے رواں سال مارچ میں سعودی ولی عہد نے وزیراعظم عمران خان سے ٹیلی فونک گفتگو میں بلین ٹری سونامی منصوبے میں شراکت داری کی خواہش کا اظہار کیا تھا۔
وزیراعظم کے معاون خصوصی برائے ماحولیاتی تبدیلی امین اسلم کا کہنا تھا کہ عہد کیاگیاپاکستان اورسعودی عرب ماحولیاتی منصوبوں پرمل کرکام کریں گے۔
