اسلام آباد : وزیراعظم عمران خان نے وزارت قانون کو وراثتی سرٹیفکیٹ کیلیے سافٹ ویئر بنانے پر مبارکباد دیتے ہوئے کہا بیرون ملک مقیم پاکستانیوں کے لیے سرٹیفکیٹ کا حصول آسان ہو جائے گا۔
تفصیلات کے مطابق وزیراعظم عمران خان نے پنجاب کے لیے نادرا وراثتی سرٹیفکیٹ کے اجرا کی تقریب سے خطاب کرتے ہوئے کہا کہ وزارت قانون کو سرٹیفکیٹ کےلیےسافٹ ویئربنانےپرمبارکباددیتاہوں، حکومت کااصل مقصدعوام کے لیے آسانیاں پیداکرنا ہے۔
عمران خان کا کہنا تھا کہ بیرون ملک مقیم پاکستانیوں کےلیےسرٹیفکیٹ کا حصول آسان ہو جائے گا، شوکت خانم اسپتال میں کسی قسم کاکوئی پیپر استعمال نہیں ہوتا، پیپرلیس نظام سےکرپشن کی گنجائش ہی ختم ہوگئی۔
ان کا کہنا تھا کہ فائل سسٹم ہوتومشکلات ہوتی ہیں، زمینوں کی فائلوں کوآگ لگ جاتی ہے۔ ہم نےمسلسل لوگوں کی زندگیاں آسان کرتےرہناہے۔.
وزیراعظم نے مزید کہا کہ ووٹنگ ختم ہونےاورفیصلےکےاعلان کےدوران دھاندلی ہوتی ہے، الیکٹرانک ووٹنگ مشین سےدھاندلی کا مسئلہ حل ہوجائے گا، کوشش ہےاوورسیزپاکستانی ووٹ کاسٹ کرسکیں۔
