The news is by your side.

Advertisement

طلبا کی شکایات پر اسکالرشپس کا جدید پروگرام لائے ہیں، وزیراعظم

اسلام آباد : وزیراعظم عمران خان نے اسکالر شپ کمپلینٹ پورٹل کا اجراء کرتے ہوئے کہا  کہ طلبا کی شکایات پر اسکالرشپس کا جدید پروگرام لائے، طالبعلموں کو اسکالرشپس میرٹ پرملیں گی اور مسائل کاتدارک کیا جائے گا۔

تفصیلات کے مطابق وزیراعظم عمران خان نے اسکالرشپ کمپلینٹ پورٹل کااجراء کردیا ، تقریب سے خطاب کرتے ہوئے عمران خان نے کہا اسکالر شپس پروگرام کا18ویں ترمیم کے بعد اندازہ نہیں تھا ، طلبا کی شکایتیں آتی تھیں کہ اسکالرشپس میں نظراندازکیا گیا۔

عمران خان کا کہنا تھا کہ نسٹ نے ملک میں تعلیم کے اعلیٰ معیار قائم کئے ، دوران تعلیم اسکالرشپس میں پیسے ختم ہونے پرطلبہ کومشکلات کاسامناتھا ، ٹیکنالوجی کی دنیا میں اسوقت انقلاب آیا ہوا ہے۔

وزیراعظم نے کہا کہ تعلیم کا بنیادی مقصد قومی کی تعمیر ہونا چاہیے ، ریاست مدینہ تاریخ کا انقلاب تھااسکی معلومات نوجوانوں تک پہنچانی ہے، طلبا کی شکایات پر اسکالرشپس کا جدید پروگرام لائے ، طالبعلموں کو اسکالرشپس میرٹ پرملیں گی اور مسائل کاتدارک کیا جائے گا۔

ان کا مزید کہنا تھا کہ جو انسان نبیﷺ کی سیرت پر چلے گا وہ اوپر چلاجائے گا، نوجوانوں کو ریاست مدینہ کےاصولوں سے روشناس کرانا ہمارافرض ہے، حضورﷺ کے راستے پر چل کر ہم انسان بنتے ہیں۔

عمران خان نے کہا کہ کئی مضامین کی پاکستان میں اہمیت ہی ختم ہوگئی ہے ، دین میں زبردستی نہیں مگرنوجوانوں کو ریاست مدینہ کے اصولوں سے روشناس کرانا ہمارافرض ہے۔

Comments

یہ بھی پڑھیں