The news is by your side.

Advertisement

شیخ رشید ٹی 20 ورلڈ کپ فائنل میچ دیکھنے کے خواہشمند، وزیراعظم نے اجازت دے دی

اسلام آباد : وزیراعظم عمران خان نے وزیر داخلہ شیخ رشید کو ٹی 20 ورلڈ کپ فائنل میچ  دیکھنے کیلئے دبئی جانے کی اجازت دے دی۔

تفصیلات کے مطابق وزیر داخلہ شیخ رشید بھی ٹی 20 ورلڈ کپ فائنل میچ دیکھنے کے خواہشمند ہیں ، اس سلسلے میں وزیراعظم عمران خان نے وزیر داخلہ شیخ رشید کو فائنل میچ دیکھنے کیلئے دبئی جانے کی اجازت دے دی۔

ذرائع کا کہنا ہے کہ شیخ رشید نے وزیراعظم سے میچ دیکھنے کیلئے دبئی جانے کی اجازت مانگی تھی، پاکستان فائنل میں پہنچا تو شیخ رشید بھی دبئی روانہ ہوں گے۔

خیال رہے وزیراعظم عمران خان کا ٹی ٹوئنٹی ورلڈ کپ کے سیمی فائنل میں پاکستان کی جیت کی صورت متحدہ عرب امارات کے دورے کا امکان ہے۔

حکومتی ذرائع کا کہنا ہے کہ وزیراعظم آفس ممکنہ دورہ شیڈول کر رہا ہے ، وزیراعظم عمران خان کےساتھ وفاقی وزیر فواد چوہدری بھی ہوں گے، آج پاکستان فائنل میں پہنچاتووزیراعظم میچ دیکھنے یواے ای جائیں گے۔

واضح رہے ٹی ٹوئنٹی ورلڈکپ میں پاکستان اور آسٹریلیاکی ٹیمیں آج دوسرے سیمی فائنل میں مد مقابل آئیں گی، گرین شرٹس تاریخ بدلنے کے لئے پر عزم ہیں۔

پاکستان حالیہ ورلڈکپ میں اپنے دو میچز اسی گراؤنڈ میں کھیل چکا ہے، پاکستان ٹیم متحدہ عرب امارات کی سرزمین پر مسلسل 16 میچز میں ناقابل شکست ہے۔

Comments

یہ بھی پڑھیں