The news is by your side.

Advertisement

وزیر اعظم کی ایم کیو ایم پاکستان مرکز پر آمد متوقع، اہم ملاقات

اسلام آباد: وزیر اعظم عمران خان اور گورنر سندھ عمران اسماعیل کے درمیان آج اہم ملاقات ہوگی جس میں وزیر اعظم کی ایم کیو ایم پاکستان مرکز پر آمد کے پروگرام کو حتمی شکل دیے جانے کا امکان ہے۔

تفصیلات کے مطابق وزیر اعظم عمران خان اور گورنر سندھ عمران اسماعیل کے درمیان آج اہم ملاقات ہوگی، ملاقات دوپہر 2 بجے اسلام آباد میں ہوگی۔

ذرائع کا کہنا ہے کہ ملاقات میں ملک بھر کی موجودہ صورتحال پر گفتگو متوقع ہے۔

ذرائع کے مطابق ملاقات میں وزیر اعظم کی ایم کیو ایم پاکستان مرکز پر آمد کے پروگرام کو حتمی شکل دیے جانے کا امکان ہے۔

یاد رہے کہ وزیر اعظم عمران خان کراچی کا دورہ کریں گے اور اس دوران وہ ایم کیو ایم پاکستان کے مرکز بہادر آباد جائیں گے۔

ذرائع کے مطابق وزیر اعظم سے ایم کیو ایم قیادت کی ملاقات میں بہادر آباد جانے کا معاملہ طے پایا، ملاقات میں وفاقی وزرا فروغ نسیم اور امین الحق شامل تھے۔ وفاقی وزرا نے وزیر اعظم عمران خان کو دورہ بہادر آباد کی دعوت دی۔

ملاقات میں وزیر اعظم کو کراچی کے مسائل اور دیرینہ مطالبات پیش کیے جائیں گے، کراچی کے ترقیاتی منصوبوں اور ایم کیو ایم پاکستان کے تحفظات پر بھی بات ہوگی۔

Comments

یہ بھی پڑھیں