تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

وزیراعظم عمران خان آج ٹائیگرزفورس ڈے منانے کی تاریخ کا اعلان کریں گے

اسلام آباد: وزیراعظم عمران خان نے ٹائیگرزفورس کی رجسٹریشن ایک بار پھر کھولنے کاعندیہ دے دیا ، عمران خان آج نوجوانوں کیلئے خصوصی پیغام میں ٹائیگرزفورس ڈے منانے کی تاریخ کا اعلان کریں گے۔

تفصیلات کے مطابق وزیراعظم عمران خان سے معاون خصوصی عثمان ڈار کی ملاقات ہوئی ، ملاقات میں ملک بھر میں ٹائیگرزفورس ڈےمنانےکی تیاریوں پر مشاورت کی گئی۔

وزیراعظم عمران خان نے نوجوان رضا کاروں کو خود اعتماد میں لینے کا فیصلہ کیا ہے ، عمران خان کا نوجوانوں کیلئے خصوصی پیغام 12بج کے 10 منٹ پرنشرکیا جائے گا۔

پیغام میں وزیراعظم 9 اگست کو ٹائیگرز فورس ڈے منانے کا اعلان کریں گے اور ایک دن میں ریکارڈ پودے لگانے کیلئے نوجوانوں کو ہدایات دیں گے۔

عمران خان کا کہنا تھا کہ میں خودشجرکاری مہم میں ٹائیگرزفورس کی مہم کاحصہ بنوں گا جبکہ ارکان اسمبلی اوروزرائےاعلیٰ بھی مہم میں حصہ لیں گے۔

اپنے خطاب میں وزیراعظم موسمیاتی تبدیلیوں کےملک پراثرات پربھی بات کریں گے اور ٹائیگرزفورس ایپلی کیشن،گرین سیلفی کےبارے میں بھی بتائیں گے۔

ملاقات میں ٹائیگرزفورس سے متعلق چین کی جانب سے لکھا گیا خط بھی وزیراعظم کو پیش کیا، عمران کان نے عالمی سطح پر ٹائیگرز فورس کی پذیرائی پر اظہار مسرت کیا، ٹائیگرزفورس کو متحرک رکھنے پرمعاون خصوصی عثمان ڈارکوبھی شاباش دی۔

اس موقع پر وزیراعظم نے ٹائیگرزفورس کی رجسٹریشن ایک بار پھر کھولنے کاعندیہ دیا ، اپنے پیغام میں وہ رجسٹریشن، ٹائیگرزفورس ڈے کی تاریخ کا اعلان کریں گے اور نوجوانوان کوقومی شجر کاری مہم میں شامل ہونے کی اپیل کریں گے۔

Comments

- Advertisement -