The news is by your side.

Advertisement

کورونا وائرس کے بڑھتے ہوئے کیسز، وزیراعظم عمران خان نے بڑا فیصلہ کرلیا

اسلام آباد : وزیراعظم عمران خان نے کورونا وائرس کے بڑھتے ہوئے کیسز کے پیش نظر 21نومبرکورشکئی میں عوامی اجتماع منسوخ کرنے کا فیصلہ کرلیا ، عمران خان کو رشکئی میں اقتصادی زون کی افتتاحی تقریب میں شرکت کرنا تھی۔

تفصیلات کے مطابق وزیراعظم عمران خان کی زیرصدارت کورونا سےمتعلق قومی رابطہ کمیٹی کا اجلاس ہوا، جس میں کورونا کی موجودہ صورتحال اور اقدامات کاجائزہ لیا گیا۔

اجلاس میں امریکا، فرانس،اسپین، برطانیہ کے کورونا کیسز کا ڈیٹا وزیراعظم کو پیش کیا گیا، وزیراعظم نے کورونا وائرس کے بڑھتے کیسز کے پیش نظر 21نومبر کو رشکئی میں عوامی اجتماع منسوخ کر دیا۔

منسوخی کا فیصلہ این سی او سی کی سفارش پر کیا گیا ، این سی او سی نےعوامی اجتماعات نہ کرنے کی تجویز دی تھی۔

خیال رہے وزیراعظم عمران خان کو رشکئی میں اقتصادی زون کی افتتاحی تقریب میں شرکت کرنا تھی۔

اجلاس میں بریفنگ میں بتایا گیا کہ پاکستان میں مثبت کیسز کی شرح میں 3 فیصد سے زائد اضافہ ہوا، اکتوبر کے پہلے ہفتے میں مثبت کیسز کی شرح 1.6 فیصد تھی، نومبر میں مثبت کیسز کی شرح 5 فیصد تک پہنچ گئی۔

بریفنگ میں مزید کہا گیا کہ کورونا سےاموات کی شرح میں بھی اضافہ ہوا اور تعداد ڈبل فگرزمیں داخل ہوگئی ہے۔

Comments

یہ بھی پڑھیں