The news is by your side.

Advertisement

وزیراعظم کی اوورسیزپاکستانیوں کو مزید مراعات دینے پر غور کی ہدایت

اسلام آباد : وزیراعظم عمران خان نے اوورسیزپاکستانیوں کو ترسیلات زر کے ضمن میں مزید مراعات دینے پر غور کی ہدایت کرتے ہوئے کہا اوورسیز پاکستانیوں ،خاندانوں کوسہولتیں فراہم کرنے کیلئے پُرعزم ہیں۔

تفصیلات کے مطابق وزیراعظم عمران خان کی زیر صدارت ملکی ترسیلات زر میں اضافے سے متعلق اجلاس ہوا ، اجلاس میں روشن ڈیجیٹل اکاؤنٹ، اپنی گاڑی اسکیم ،سماجی خدمت کی کامیابیوں پر بریفنگ دی گئی۔

وزیراعظم نے اجلاس میں کہا کہ بیرون ملک پاکستانی ملک کا بیش قیمت اثاثہ ہیں، اوورسیزکی ترسیلات زر کا معاشی استحکام میں کلیدی کردار ہے، اوورسیز پاکستانیوں ،خاندانوں کوسہولتیں فراہم کرنے کیلئے پُرعزم ہیں۔

عمران خان کا کہنا تھا کہ اوورسیزپاکستانیوں کو ترسیلات زر کے ضمن میں مزیدمراعات دینے پر غور کیا جائے اور معاشی ضروریات کو مد نظر رکھتے ہوئے مفصل و منظم منصوبہ بندی کی جائے۔

وزیراعظم نے ہدایت کی کہ مستقبل کے اہداف مرتب کرکےحکمت عملی تشکیل دی جائے۔

Comments

یہ بھی پڑھیں