اسلام آباد : وزیراعظم عمران خان کی زیر صدارت وفاقی کابینہ کے اجلاس میں سمندر پار پاکستانیوں کیلئے پاور آف اٹارنی کے اجرا کیلئے آٹومیشن نظام متعارف کرانے کی منظوری دی جائے گی۔
تفصیلات کے مطابق وزیراعظم عمران خان کی زیر صدارت وفاقی کابینہ کااجلاس جاری ہے ، اجلاس میں ملکی سیاسی اور معاشی صورت حال کاجائزہ لیا جارہا ہے۔
اجلاس میں میڈیکل کالجز داخلوں اور میرٹ کا معیارطے کرنے کی سمری پرغورہوگا جبکہ افغان شہریوں کو3 ماہ ویزاپراسیسنگ فیس کی چھوٹ کی منظوری دی جائے گی۔
کابینہ سمندر پار پاکستانیوں کے لیے پاورآف اٹارنی کی آٹومیشن کی منظوری دے گی ، اس کے بعد سمندر پار پاکستانیوں کو پاور آف اٹارنی کے لیے پاکستان فارن مشنز نہیں جانا پڑے گا، پاور آف اٹارنی کی راہ میں حائل مشکلات دور ہونگی اور وقت کی بھی بچت ہوگی۔
اجلاس میں 2نجی ایئرلائنز کےلائسنسوں کے اجرا سمیت تجدیدکی منظوری ، سی پیک اتھارٹی کوسی پیک ویزاکیٹیگری میں شامل کرنےکی منظوری اور اسلام آباد کے لیے خصوصی رائٹ پولیس فورس کے قیام کی منظوری دی جائے گی۔
اجلاس میں مختلف وزارتوں سےملحقہ محکموں کےسربراہان کی آسامیوں پربریفنگ دی جائے گی جبکہ کابینہ اقتصادی رابطہ کمیٹی کےگزشتہ اجلاس کےفیصلوں اور کمیٹی برائےٹرانسپورٹ اینڈلاجسٹکس کے اجلاس کےفیصلوں کی توثیق کرے گی۔
