The news is by your side.

Advertisement

ای او بی آئی پنشنرز کو اب ماہانہ کتنے روپے ملیں گے؟ بڑی خبر آگئی

اسلام آباد : وزیراعظم عمران خان کی زیر صدارت وفاقی کابینہ کے اجلاس نے ای او بی آئی کی پنشنز میں اضافے اور پائلٹس کے جعلی لائسنسز کو منسوخ کرنے منظوری دے دی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ہوا، جس میں ملکی صورتحال سمیت کورونا صورتحال پر غور کیا گیا، کابینہ نے ای او بی آئی کی پنشنز میں اضافے کی منظوری دے دی، ای او بی آئی پنشنرز کو اب 8500 روپے ملیں گے۔

اجلاس میں پائلٹس کےجعلی لائسنس سےمتعلق تفصیلی تبادلہ خیال کیا گیا ، ارکان نے رائے دی کہ پائلٹس کےلائسنس منسوخی سےمتعلق معاملہ پیچیدہ ہے، لائسنس منسوخی کامعاملہ پراسس میں ڈال دیاگیامزیدحقائق دیکھنا ہوں گے۔

کابینہ ارکان کا کہنا تھا کہ پائلٹس کی ڈگری کامعاملہ مس ہینڈل کیاگیا،کابینہ نے پائلٹس کےخلاف کارروائی کے لیے تفصیلی سمری دوبارہ طلب کرتے ہوئے وزارت ہوابازی سےمعاملے کی تفصیلی سمری طلب کر لی۔

اجلاس میں کابینہ نے پائلٹس کے جعلی لائسنسز کومنسوخ کرنے کی منظوری دے دی جبکہ وزارت داخلہ کی جانب سے ممنوعہ اسلحہ لائسنس کے اجراکا معاملہ مؤخر کردیا گیا۔

ذرائع کا کہنا ہے کہ عثمان ناصر کو ایم ڈی پاکستان سافٹ ویئر ایکسپورٹ بورڈ تعینات کرنے، ایس ای سی پی آڈٹ کیلئےہارورتھوحسین چوہدری کمپنی کی خدمات کی منظوری بھی دی۔

وفاقی کابینہ نے ڈرگ پرائسنگ پالیسی کےسیکشن7کوختم کرنے ، مرغذارچڑیاگھرکاانتظامی کنٹرول وزارت ماحولیاتی تبدیلی کودینے اور ارکان پارلیمنٹ کی ترقیاتی اسکیموں سےمتعلق قواعد میں تبدیلی کی منظوری دے دی۔

کابینہ نے اسٹاک ایکسچینج حملےمیں پولیس،رینجرز،سیکیورٹی گارڈزکی بروقت کارروائی کی تعریف کرتے ہوئے کراچی حملہ کے شہداء کی جرات و بہادری کو خراج عقیدت پیش کیا۔

Comments

یہ بھی پڑھیں