The news is by your side.

Advertisement

وفاقی کابینہ کا اجلاس طلب ، ای او بی آئی پنشنرز کیلئے بڑی خوشخبری

اسلام آباد : وزیر اعظم عمران خان کی زیر صدارت وفاقی کابینہ کا اجلاس کل ہو گا، جس میں ای او بی آئی پنشنرز کی پنشن میں اضافے اور مرغزار چڑیا گھر کا انتظامی کنٹرول وزارت ماحولیاتی تبدیلی کو دینے کا فیصلہ ہوگا۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اہم اجلاس کل ہو گا ، جس میں اجلاس میں ملکی معاشی سیاسی صورتحال
اور کورونا وائرس کی صورتحال سمیت پارٹی امور پر غور ہوگا۔

وفاقی کابینہ کےاجلاس کا12 نکاتی ایجنڈا جاری کردیا گیا ہے ، جس میں وزارت داخلہ کی جانب سےممنوعہ اسلحہ لائسنس کےاجراکامعاملہ ایجنڈا میں شامل ہیں جبکہ ای او بی آئی پنشنرز کی پنشن میں اضافہ کا فیصلہ کابینہ کرے گی۔

اجلاس میں ایران،عراق ودیگرممالک کیلئےزائرین پالیسی ریگولیٹری فریم ورک پیش کیا جائے گا اور وفاقی میڈیکل ٹیچنگ انسٹیٹیوٹ بل پرنیشنل ہیلتھ ریفارمز ٹاسک فورس بریفنگ دے گی۔

متروکہ وقف املاک کی شہری آبادی کےتعلیم،صحت پرپالیسی میں تبدیلی، پاکستان سافٹ وئیر ایکسپورٹ بورڈ کے ایم ڈی کی تعیناتی اور ای سی سی اور کابینہ کی توانائی کمیٹیوں کے فیصلوں کی توثیق ایجنڈا میں شامل ہیں۔

ایس ای سی پی کے مالی سال 2020 کے آڈیٹرز کی منظوری ، ایس ڈی گولزکےحصول سے متعلق گائیڈلائنز میں ردوبدل اور ریونیو ڈویژن کی جانب سے پینل سرچارج کی معافی کا معاملہ بھی ایجنڈے کا حصہ ہیں۔

کابینہ اجلاس میں مرغزار چڑیا گھر کا انتظامی کنٹرول وزارت ماحولیاتی تبدیلی کو دینے کا فیصلہ ہوگا۔

Comments

یہ بھی پڑھیں