The news is by your side.

Advertisement

وفاقی کابینہ کا اجلاس ، وزیر اعظم عمران خان نے دورہ چین کو کامیاب قرار دے دیا

اسلام آباد : وزیراعظم عمران خان نے دورہ چین کو کامیاب قرار دے دیا اور کہا چین سے اقتصادی وسماجی شعبوں میں روابط مزید بڑھیں گے، سی پیک کے دوسرے مرحلے سے ملکی ترقی کا نیا باب شروع ہوگا۔

تفصیلات کے مطابق وزیراعظم عمران خان کی زیرصدارت وفاقی کابینہ کااجلاس ہوا ،جس میں 16 نکاتی ایجنڈے پر غورکیا گیا ، اجلاس میں شاہ محمودقریشی نے کابینہ کودورہ چین پربریفنگ دی جبکہ وزیرمنصوبہ بندی نے سی پیک کے دوسرے مرحلے پر آگاہ کیا۔

وفاقی کابینہ کو چین سے آزادانہ تجارتی معاہدے پر بھی تفصیلی آگاہ کیاگیا۔

وزیر اعظم عمران خان نے دورہ چین کوکامیاب قرار دیتے ہوئے کہا چین سےاقتصادی وسماجی شعبوں میں روابط مزیدبڑھیں گے، سی پیک کے دوسرے مرحلے سے ملکی ترقی کا نیا باب شروع ہوگا۔

کابینہ اجلاس میں متعددنکات اور سی ای سی کےگزشتہ اجلاس کےفیصلوں کی منظوری دی گئی۔

پرائم منسٹرکامیاب جوان پروگرام کی منظوری کےلئےکابینہ ایجنڈے میں شامل کیا گیا، پروگرام کے لئے 200ارب کی خطیررقم نوجوانوں کیلئے مختص ہوگی جبکہ کابینہ پٹرولیم، پاور ڈویژن کو الگ الگ وزارت بنانے کا جائزہ لیا۔

آف شورڈرلنگ کیلئےمشینری درآمدپراسپیشل ڈیوٹی استثنیٰ کی منظوری ، مختلف عدالتوں میں ججز کی تعیناتی کی منظوری ، رولزآف پروسیجر شیڈول ٹومیں انکوائری ایکٹ 2017 کی منظوری بھی ایجنڈے میں شامل تھیں ،کابینہ کو موجودہ نظام تعلیم کی تجدید نو پر بریفنگ دی گئی۔

Comments

comments

یہ بھی پڑھیں