The news is by your side.

Advertisement

نواز شریف کی واپسی کیلئے قانونی آپشنز : حکومتی اور پارٹی ترجمانوں کا اہم اجلاس طلب

اسلام آباد : وزیر اعظم عمران خان کی زیرصدارت حکومتی اور پارٹی ترجمانوں کا اہم اجلاس آج ہوگا ، جس میں نواز شریف سےمتعلق اسلام آباد ہائی کورٹ کے فیصلے اور  واپسی سے متعلق قانونی آپشنز پر بات ہوگی۔

تفصیلات کے مطابق حکومتی اور پارٹی ترجمانوں کا اہم اجلاس طلب کرلیا گیا ، وزیر اعظم عمران خان کی زیرصدارت اجلاس آج شام ہو گا، جس میں ملکی سیاسی اور معاشی صورتحال کا جائزہ لیا جائے گا۔

ذرائع کا کہنا تھا کہ اجلاس میں اسلام آباد ہائی کورٹ کے نواز شریف سےمتعلق فیصلہ پربریفنگ ہوگی اور نواز شریف کی وطن واپسی سے متعلق قانونی آپشنزسےمتعلق بات ہوگی۔

مزید پڑھیں : اسلام آباد ہائی کورٹ کا نوازشریف کو عدالت میں سرنڈر کرنے کا حکم

،ذرائع کے مطابق حکومتی اور پارٹی ترجمانوں کے اہم اجلاس میں وزیر اعظم ترجمانوں کو حکومتی بیانیے سے متعلق گائیڈلائن دیں گے۔

گذشتہ روز اسلام آباد ہائی کورٹ نے سابق وزیراعظم نوازشریف کو عدالت میں سرنڈر کرنے کا حکم دیتے ہوئے کہا تھا کہ وہ جس حالت میں بھی ہیں عدالت میں پیش ہوں۔

بعد ازاں اسلام آباد ہائیکورٹ کے تحریری حکم نامے میں کہا گیا تھا کہ نواز شریف آئندہ سماعت پر پہلے گرفتاری دیں، قانون کی بالادستی ہر صورت میں قائم رہنی چاہئے۔

Comments

یہ بھی پڑھیں