The news is by your side.

Advertisement

سی پیک منصوبہ پاک چین دوستی کا مظہر ہے، وزیر اعظم عمران خان

اسلام آباد : وزیراعظم عمران خان نے کہا کہ سی پیک منصوبہ پاک چین دوستی کا مظہر ہے، سی پیک کےتحت جاری منصوبوں میں رکاوٹیں دور کررہے ہیں، منصوبوں کی بروقت تکمیل حکومت کی اولین ترجیح ہے۔

تفصیلات کے مطابق وزیر اعظم عمران خان کی زیر صدارت اعلیٰ سطح اجلاس ہوا ،جس میں وزیر منصوبہ بندی خسرو بختیار ،وزیر توانائی عمر ایوب ، وزیر بر سائنس اینڈ ٹیکنالوجی فواد چوہدری ، وزیر ریلوے شیخ رشید ، وزیر بحری امور علی زیدی ، مشیر تجارت رزاق داؤد ، معاون خصوصی پٹرولیم ،چیئرمین سرمایہ کاری بورڈ اور دیگر حکام شریک ہوئے۔

اجلاس میں وزیراعظم کے آئندہ ہفتے دورہ چین سے متعلق معاملات پر مشاورت ہوئی اور سی پیک کے تحت مختلف منصوبوں پر پیش رفت کا جائزہ
معیشت کے دیگر شعبہ جات میں چین سے دوطرفہ تعاون کے فروغ پرگفتگو کی گئی۔

اس موقع پر وزیراعظم عمران خان نے کہا سی پیک منصوبہ پاک چین دوستی کامظہر ہے، سی پیک کےتحت جاری منصوبوں میں رکاوٹیں دور کررہے ہیں, منصوبوں کی بروقت تکمیل حکومت کی اولین ترجیح ہے۔

وزیراعظم کا کہنا تھا کہ آئندہ چند روز میں چین کا دورہ کروں گا، دورے میں چینی قیادت سے ملاقاتیں ہوں گی، ملاقاتیں پاک چین دوستی مزید مستحکم کرنے میں مدد گار ہوں گی، اہم دورہ دوطرفہ تعاون کو فروغ دینے میں معاون ثابت ہوگا۔

اجلاس میں بریفنگ میں بتایا گیا پاک چین دو طرفہ تعاون کو مزید وسعت دینے کا بے شمار پوٹینشل موجود ہے، جدید ٹیکنالوجی کے فروغ، معیشت کے اہم شعبوں کی ترقی کے لئے پوٹینشل ہے۔

وزیر سائنس اینڈ ٹیکنالوجی نے اجلاس میں اراکین کو ڈیجیٹل پےمنٹ، بیٹری اسٹوریج ریسرچ ، زرعی آلات کی مینوفیکچرنگ، ڈرون ٹیکنالوجی سے متعلق بریفنگ دی، سولر سیل مینوفیکچرنگ، نباتات و حیوانات سے متعلق ریسرچ پر بھی بریفنگ دی گئی۔

وزیرمنصوبہ بندی نے سی پیک کے تحت جاری منصوبوں پر پیشرفت اور مختلف منصوبوں پر عملدرآمد کی رفتار کو تیز کرنے کیلئے اقدامات سے آگاہ کیا۔

وزیرریلوے نے سی پیک کے اہم منصوبے ایم ایل ون پر پیشرفت اور منصوبے کے ممکنہ ثمرات سے شرکا کو آگاہ کیا۔

Comments

comments

یہ بھی پڑھیں