The news is by your side.

Advertisement

وزیر اعظم نے حکومتی اور اتحادی جماعتوں کی پارلیمانی پارٹیوں کا اجلاس طلب کرلیا

اسلام آباد : وزیر اعظم عمران خان نے حکومت اور اتحادی جماعتوں کی پارلیمانی پارٹیوں کا اجلاس طلب کرلیا ہے ، جس میں وہ حکومتی و اتحاری ارکان کو گائیڈ لائنز دیں گے۔

تفصیلات کے مطابق وزیر اعظم عمران خان نے پارلیمانی پارٹی کا اجلاس آج طلب کرلیا ، پارلیمانی پارٹی کا اجلاس کل دوپہر 3 بجے پارلیمنٹ ہاوس میں ہوگا اجلاس میں اتحادی جماعتوں کو بھی طلب کرلیا گیا ہے۔

اجلاس میں وزیراعظم حکومتی و اتحاری ارکان کواعتماد میں لیں گے اور گائیڈ لائنز دیں گے جبکہ شاہ محمور قریشی اور دیگر قائدین بھی اظہار خیال کریں گے۔

یاد رہے 14 اکتوبر کو وزیراعظم عمران خان کی زیرصدارت حکومتی ترجمانوں کے اجلاس میں ملکی تازہ سیاسی صورت حال ، اپوزیشن کی تحریک اور مہنگائی پر مشاورت کی گئی۔

اس موقع پر خطاب کرتے ہوئے وزیراعظم نے کہا تھا کہ اپوزیشن کی تحریک سےحکومت کوکوئی فرق نہیں پڑتا، ہم نے پوری توجہ مہنگائی میں کمی اور معیشت کی بہتری پرمرکوز کردی ہے۔

وزیراعظم نے کہا تھا کہ یہ پہلے بھی نکلےتھے اب بھی چوری بچانےنکلےہیں، دھاندلی کاشور کرنیوالوں نے انتخابی عذرداریاں ہی دائرنہیں کیں، پنجاب میں اپوزیشن نے11پی ٹی آئی نے13انتخابی عذردرایاں دائرکیں اور دھاندلی کی تحقیقات کیلئے ہم نے مخلصانہ پیشکش کی۔

خیال رہے اپوزیشن اتحاد آج گوجرنوالہ میں سیاسی قوت دکھانے کو تیار ہے ، پاکستان ڈیموکریٹک موومنٹ نے جناح اسٹیڈیم میں پنڈال سجالیا، جس میں مولانا فضل الرحمان ، بلاول بھٹو اور مریم نواز خطاب کریں گے۔

Comments

یہ بھی پڑھیں