The news is by your side.

Advertisement

ملک بھر میں ٹرینیں کب چلیں گی ؟ حتمی فیصلہ آج متوقع

اسلام آباد : وزیراعظم عمران ملک بھر میں ٹرینیں چلانے سے متعلق حتمی فیصلہ آج کریں گے، قومی رابطہ کمیٹی کے اجلاس میں سندھ ، بلوچستان حکومت نےٹرین آپریش بحال کرنے کی مخالفت کی تھی۔

تفصیلات کے مطابق عیدسےپہلےپاکستان ریلویزکا30ٹرینیں چلانےکاپلان تیار ہے ، وزیراعظم عمران خان کی زیرصدارت اجلاس آج سہ پہر 3بجےہوگا ،اجلاس میں کوروناوائرس کی صورتحال کاجائزہ لیاجائےگا اور ایس اوپیزکےتحت ٹرینیں کھولنےیانہ کھولنےسےمتعلق فیصلہ ہوگا۔

شیخ رشید اجلاس میں وزیراعظم کوریلوےکی تیاریوں سےآگاہ کریں گے اور وزیراعظم کوٹرینیں چلانےسےمتعلق قائل کریں گے۔

مزید پڑھیں : ٹرینیوں کو کھولنے کے حوالے سے کوئی فیصلہ نہیں ہوا، شیخ رشید

گذشتہ روز وفاقی وزیر ریلوے شیخ رشید کا کہنا تھا کہ ٹرینوں کو دوبارہ کھولنے کے حوالے سے ابھی تک کوئی فیصلہ نہیں ہوا، وزیر اعظم عمران خان نے ٹرینیں کھولنے کی اجازت دی تو پندرہ ٹرینیں کھول دیں گے، میں وزیر اعظم کے ماتحت ہوں وزرائے اعلیٰ کے نہیں۔

شیخ رشید نے کہا تھا کہ موجودہ حالات میں ریلوے کا 5 ارب روپے مہینے کا نقصان ہورہا ہے، ملک میں سفید پوش طبقہ سب سے زیادہ متاثر ہو رہا ہے۔

خیال رہے قومی رابطہ کمیٹی کے اجلاس میں سندھ ، بلوچستان حکومت نے ٹرین آپریش بحال کرنےکی مخالفت کی تھی۔

واضح رہے کہ کرونا وائرس کا پھیلاؤ روکنے کی خاطر وفاقی حکومت کی جانب سے ایک ماہ قبل لاک ڈاؤن کرکے اندرون ملک فضائی سفر کے ساتھ ساتھ ٹرینوں کی آمد و رفت پر بھی تاحکم ثانی پابندی عائد کردی تھی۔

fb-share-icon0
Tweet 20

Comments

comments

یہ بھی پڑھیں