The news is by your side.

Advertisement

پاکستان کسی بھی دہشت گردتنظیم کواپنی سرزمین استعمال کرنےکی اجازت نہیں دےگا، وزیراعظم

اسلام آباد : وزیراعظم عمران خان کا کہنا ہے نیشنل ایکشن پلان پرعمل درآمدحکومت کی اولین ترجیح ہے، پاکستان کسی بھی دہشت گرد تنظیم کو اپنی سرزمین استعمال کرنے کی اجازت نہیں دےگا۔

تفصیلات کے مطابق وزیراعظم عمران خان کی زیرصدارت قومی داخلی سلامتی کمیٹی کااجلاس ہوا ، اجلاس میں وفاقی وزرا، ڈی جی آئی ایس آئی ، ڈی جی آئی بی ، چیف سیکریٹریز شریک ہوئے۔

اجلاس میں ملکی داخلی سلامتی کی صورتِ حال اور مختلف اہم امور پر غور کیا گیا۔

اس موقع پر وزیراعظم عمران خان نے کہا نیشنل ایکشن پلان پرعمل درآمدحکومت کی اولین ترجیح ہے، د ہشت گردی کےخلاف پاکستان کی سیکیورٹی فورسز نے بے مثال قربانیاں دیں اور دہشت گردی کے باعث پاکستان نے بہت جانی اور مالی نقصان برداشت کیا۔

عمران خان کا کہنا تھا نیشنل ایکشن پلان پر عملدرآمدکی راہ میں رکاوٹیں دور کرنے کے لیے پرعزم ہیں، پاکستان کسی بھی دہشت گرد تنظیم کو اپنی سرزمین استعمال کرنے کی اجازت نہیں دےگا۔

مزید پڑھیں :  سرزمین پاکستان میں دہشت گردوں کے لیے کوئی جگہ نہیں: عمران خان

گذشتہ روز وزیرِ اعظم عمران خان نے ایک برطانوی اخبار کو انٹرویو دیتے ہوئے پاکستان کے سلامتی امور سے متعلق بہت واضح مؤقف اختیار کرتے ہوئے  کہا تھا  نئے پاکستان میں دہشت گردوں کے لیے کوئی جگہ نہیں۔

انھوں نے کہا  تھا کہ دہشت گردوں کے خلاف کریک ڈاؤن جاری ہے۔ وزیر اعظم نے بتایا کہ دہشت گرد تنظیموں کے خلاف اس سے پہلے کبھی ایسا نہیں ہوا۔

بھارت کے حوالے سے عمران خان کا کہنا تھا نریندر مودی میزائل حملے سے دونوں ملکوں کو جنگ کے دہانے پر لے آئے، پلوامہ واقعہ مودی حکومت نے جنگی جنون پیدا کرنے کے لیے استعمال کیا۔

Comments

comments

یہ بھی پڑھیں