The news is by your side.

Advertisement

قومی سلامتی کمیٹی کااجلاس ، ملکی اور افغانستان کی صورتحال پر تبادلہ خیال

اسلام آباد : وزیراعظم عمران خان کی زیر صدارت قومی سلامتی کمیٹی کے اجلاس میں ملکی اورافغانستان کی صورتحال سمیت بارڈرز کے حوالے سے بات چیت ہوئی۔

تفصیلات کے مطابق وزیراعظم عمران خان کی زیر صدارت قومی سلامتی کمیٹی کا اجلاس وزیر اعظم ہاؤس میں ہوا، جس میں آرمی چیف،پاک بحریہ ،پاک فضائیہ کےسربراہان اور ڈی جی آئی ایس آئی بھی شریک ہوئے۔

اجلاس میں وزیر خارجہ شاہ محمود قریشی، وزیر داخلہ شیخ رشید، وزیر دفاع پرویزخٹک، وزیر خزانہ شوکت ترین، وزیر اطلاعات فواد چوہدری اور قومی سلامتی کے مشیر ڈاکٹر معید یوسف بھی موجود تھے۔

وزیرداخلہ شیخ رشید نے اجلاس کے حوالے سے بتایا کہ اجلاس میں ملکی اورافغانستان کی صورتحال سمیت بارڈرز کے حوالے سے بات چیت ہوئی۔

شیخ رشید کا کہنا تھا کہ تمام ملکی حالات پر تفصیلی اور افغانستان پر بھی تبادلہ خیال کیا گیا ہے۔

کمیٹی اجلاس میں ایل اوسی سمیت بارڈر مینجمنٹ پربھی بریفنگ دی گئی اور افغانستان سےمتعلق دنیا کا نقطہ نظر،امن کوششوں کا احاطہ کیا گیا۔

یاد رہے اگست میں وزیراعظم عمران خان کی زیرصدارت قومی سلامتی کمیٹی کااجلاس ہوا تھا ، جس میں افغانستان کی صورت حال اور اس کے پاکستان پر اثرات پربریفنگ دی گئی۔

اعلامیہ میں کہا گیا تھا کہ افغان مسئلے کا کبھی کوئی فوجی حل نہیں تھا، پاکستان افغان مسئلے کے جامع سیاسی حل کے لیے پرعزم ہے۔

Comments

یہ بھی پڑھیں