The news is by your side.

Advertisement

سیاسی کمیٹی کا اجلاس : قومی اور صوبائی اسمبلیوں سے مستعفی ہونے کی تجاویز پر غور

اسلام آباد : وزیراعظم عمران خان کی زیر صدارت سیاسی کمیٹی کا اجلاس میں قومی اور صوبائی اسمبلیوں سے مستعفی ہونے کی تجاویز پر غور کیا گیا۔

تفصیلات کے مطابق وزیراعظم عمران خان کی زیر صدارت سیاسی کمیٹی کا اجلاس ہوا ، جس میں پرویز خٹک،اسد عمر،فواد چوہدری،شیخ رشید ، حماد اظہر،فرخ حبیب،شوکت ترین،بابر اعوان نے شرکت کی۔

اجلاس میں سپریم کورٹ کے فیصلے کے بعد سیاسی صورتحال کا جائزہ لیا گیا جبکہ قومی اور صوبائی اسمبلیوں سے مستعفی ہونے کی تجاویز پر غور ہوا۔

سیاسی کمیٹی کے اجلاس میں وزیراعظم کی عوامی مہم سے متعلق بھی مشاورت کی گئی اور قومی اسمبلی اجلاس سے متعلق مختلف امور کا جائزہ لیا گیا۔

اس سے قبل وزیراعظم عمران خان کی زیرصدارت قانونی ٹیم کی مشاورتی بیٹھک ہوئی ، جس میں سپریم کورٹ کے فیصلے پر بریفنگ دی گئی اور قانونی نکات کا جائزہ لیا گیا۔

خیال رہے وزیراعظم آج شام قوم سے خطاب بھی کریں گے ، ان کا کہنا ہے کہ پاکستان کے لیے آخری بال تک لڑتا رہوں گا۔

Comments

یہ بھی پڑھیں