The news is by your side.

Advertisement

بی جےپی مسلمانوں سے سرعام نازیوں کی طرح سلوک کررہی ہے، وزیراعظم

اسلام آباد : وزیراعظم عمران خان کا کہنا ہے کہ بی جےپی قیادت آرایس ایس سے متاثرہے، بی جےپی مسلمانوں سے سرعام نازیوں کی طرح سلوک کررہی ہے۔

تفصیلات کے مطابق وزیراعظم عمران خان نے بی جے پی رہنما سبرامنیم سوامی کی مسلمانوں کیخلاف ہزرہ سرائی کی سخت مذمت کی۔

وزیراعظم عمران خان نے سماجی رابطے کی ویب سائٹ ٹوئٹر پر بی جے پی رہنما سبرامنیم سوامی کےمسلم دشمن انٹرویو کی ویڈیو شیئر کرتے ہوئے اپنے بیان میں کہا بی جے پی قیادت آرایس ایس کے نظریے سےمتاثرہے اور بھارت کے بیس کروڑ مسلمانوں سے سرعام نازیوں کی طرح سلوک کررہی ہے، نازی اس طرح یہودیوں سےمتعلق بات کرتے تھے۔

عمران خان کا کہنا تھا کہ بھارت ہندوتوا کے ایجنڈے کو پروان چڑھانے کیلئے کورونا کی صورت حال کا فائدہ اٹھارہا ہے، عالمی برادری نوٹس لے۔

گذشتہ روز وزیراعظم نے کہا تھا کہ بھارت کے حالیہ غیرقانونی اقدام کاتو وقت بھی قابل مذمت ہےکیونکہ مودی سرکاردنیاکی کرونا پرمرکوز توجہ سے ناجائز فائدہ اٹھاتےہوئے  کےہندوبالادستی کےایجنڈے(ہندوتوا)کو آگےبڑھانےکی کوشش کررہی ہے، اقوام متحدہ عالمی برادری بھارت کےہاتھوں سلامتی کونسل کی قراردادوں/عالمی قانون کی مسلسل پامالی روکیں۔

ان کا مزید کہنا تھا کہ ہم اہلِ کشمیر کیساتھ یک زباں ہوکر مقبوضہ جموں و کشمیر میں آبادی کے تناسب کے ساتھ چھیڑ چھاڑ کی تازہ ترین بھارتی کوشش مسترد کرتے ہیں، پاکستان ہندوستان کی ریاستی دہشت گردی اور کشمیریوں کو ان کے حقِ خوداردیت کی فراہمی سے انکار کو دنیا کے سامنے عیاں کرتا رہے گا۔

خیال رہے سبرامنیم سوامی نے ایک انٹرویومیں تمام حدیں پارکرتے ہوئے مسلمانوں کیخلاف کھل کرزہراگلاتھا جبکہ اس سے قبل بھی سبرامنیم سوامی سمیت بی جے پی کے دیگر انتہاپسند رہنما مسلمان مخالف جذبات کو بھڑکاتے اورمسلم دشمنی کامظاہرہ کرتے رہے ہیں۔

Comments

یہ بھی پڑھیں