اسلام آباد : وزیراعظم عمران خان نے او آئی سی کانفرنس کے کامیاب انعقاد پر قوم کومبارکباد دیتے ہوئے کہا او آئی سی کے اقدامات پر اتفاق امت مسلمہ کے اتحاد کی عکاسی کرتا ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان کی جانب سے او آئی سی کانفرنس کے کامیاب انعقاد پر قوم کومبارکباد پیش کی۔
عمران خان کا کہنا تھا کہ او آئی سی کے اقدامات پر اتفاق امت مسلمہ کے اتحاد کی عکاسی کرتا ہے، کشمیر اور فلسطین کے منصفانہ حل کو آگے بڑھانا ہے اور اسلامو فوبیا اور مسلمانوں کی حالت زار کا مقابلہ کرنا ہے۔
I congratulate the nation on the successful OIC-CFM hosted by 🇵🇰. Unity of Ummah reflected in agreement over broad range of actions on: advancing just causes of Kashmir & Palestine; Afghanistan’s humanitarian crisis; combating Islamophobia & plight of Muslims.
— Imran Khan (@ImranKhanPTI) March 24, 2022
وزیراعظم نے مزید لکھا بطور سی ایف ایم چیئر پاکستان اتحاد، انصاف وترقی کےلیےشراکت داری کو فروغ دے گا۔
گذشتہ روز اسلام آباد میں او آئی سی وزرائے خارجہ کانفرنس کے اختتام پر سیکریٹری جنرل او آئی سی حسین براہم طہٰ اور پاکستان کے وزیر خارجہ وزیر خارجہ شاہ محمود قریشی نے مشترکہ پریس کانفرنس کی تھی۔
سیکریٹری جنرل او آئی سی حسین براہم طہٰ نے کہا تھا کہ اسلامو فوبیا کےچیلنج سے نمٹنے کیلیے پاکستان کی کاوشیں لائق تحسین ہیں، اقوام متحدہ نے اسلامو فوبیا سے متعلق عالمی دن کی قرارداد منظور کی اور ہم اقوام متحدہ کے ساتھ مل کر اسلامو فوبیا سےنمٹنے کیلیے تیار ہیں۔
