The news is by your side.

Advertisement

ضمنی مالیاتی بل منظور کرانے کا مشن ، وزیراعظم متحرک

اسلام اباد : وزیراعظم عمران خان نے آج حکمران اتحاد کی پارلیمانی پارٹی کا اجلاس بلالیا، جس میں بل کی منظوری کی حکمت عملی اور اپوزیشن کے ممکنہ احتجاج سے نمٹنے پرمشاورت ہوگی۔

تفصیلات کے مطابق ضمنی مالیاتی بل منظور کرانے کیلئے وزیراعظم عمران خان متحرک ہے ، قومی اسمبلی اجلاس سے پہلے وزیراعظم نے حکمران اتحادکی پارلیمانی پارٹی کااجلاس بلالیا ہے۔

اجلاس میں بل کی منظوری کی حکمت عملی اوراپوزیشن کےممکنہ احتجاج سےنمٹنے پر مشاورت کی جائے گی۔

پارٹی قیادت کی جانب سے تمام ارکان کودوپہردوبجے پارلیمنٹ ہاؤس پہنچنےکی ہدایت کردی ہے ، وزیراعظم عمران خان خود بھی پارلیمنٹ ہاؤس پہنچیں گے۔

یاد رہے حکومت اتحادیوں کو بھی رضامند کرنے میں کامیاب ہوگئی ہے ، ایم کیو ایم چندترامیم کے ساتھ حمایت پر تیار ہے جبکہ ق لیگ اورجی ڈی اے بھی ضمنی بجٹ کی حمایت کریں گی۔

پی ٹی آئی کے ناراض ارکان کو بھی منا لیا گیا جبکہ اپوزیشن کے دس سے پندرہ ارکان بھی بل کی منظوری کے وقت اسمبلی میں موجود نہیں ہوں گے۔

Comments

یہ بھی پڑھیں