اسلام آباد : وزیراعظم عمران خان کی زیرصدارت ایپکس کمیٹی کا اجلاس آج ہوگا ، جس میں افغانستان کی صورتحال، بارڈر مینجمنٹ اور ملکی سلامتی کے امور کا جائزہ لیا جائے گا۔
تفصیلات کے مطابق وزیراعظم عمران خان نے داخلی وخارجی چیلنجز، قومی سلامتی، سرحدی امور اور امن وامان کے معاملے پر آج اعلیٰ سطح کااجلاس طلب کرلیا۔
ذرائع کا کہنا ہے کہ ایپکس کمیٹی کا اجلاس صبح 11 بجے وزیر اعظم ہاؤس میں ہوگا، اجلاس میں وفاقی وزرا،اعلیٰ عسکری حکام شریک ہوں گے۔
ذرائع کے مطابق افغانستان کی صورتحال،بارڈرمینجمنٹ،ملکی سلامتی کے امور کا جائزہ لیا جائے گا اور پلان آف ایکشن بارڈرکی صورتحال سمیت مجموعی امور پر بھی غور کیا جائے گا۔
اجلاس میں معیدیوسف سلامتی سے متعلق امور پر بریفنگ دیں گے جبکہ وزیرخارجہ اوروزیرداخلہ بھی ایپکس کمیٹی کوبریفنگ دیں گے۔
اجلاس میں ملک کو درپیش چیلنجز، دفاعی امور اور حکومتی ترجیحات کا تعین کیا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں