The news is by your side.

Advertisement

وزیراعظم کا ٹائیگر زفورس کے موثر استعمال سے متعلق اہم فیصلہ

اسلام آباد : وزیراعظم عمران خان ٹائیگر زفورس کی بہتر کارکردگی کیلئے ڈیجیٹل ٹیکنالوجی کے استعمال کا فیصلہ کرلیا، ، ڈیجیٹل ٹیکنالوجی سےٹائیگرز فورس کی ذمہ داریوں کومانیٹرکیا جائے گا۔

تفصیلات کے مطابق وزیراعظم عمران خان نے ٹائیگر زفورس کے موثر استعمال سے متعلق ایک اور اہم فیصلہ کرلیا ، ٹائیگر زفورس کی بہتر کارکردگی کیلئے ڈیجیٹل ٹیکنالوجی کا استعمال ہو گا۔

معاون خصوصی عثمان ڈار نے جیو ٹیگنگ پر مشتمل موبائل ایپلی کیشن تیار کرالی ہے ، عثمان ڈار نے کہا ڈیجیٹل ٹیکنالوجی سےٹائیگرزفورس کی ذمہ داریوں کومانیٹرکیا جائے گا۔

معاون خصوصی کا کہنا تھا کہ اسسٹنٹ کمشنرز،ایس ایچ او ،پرائس کنٹرول مجسٹریٹ ایپ سےمنسلک ہوں گے ، ایس اوپیز کی خلاف ورزی کرنے والوں کی نشاندہی اورموقع پرکارروائی ممکن ہو گی۔

انھوں نے کہا پنجاب انفارمیشن ٹیکنالوجی بورڈ کی تیار کردہ ایپ کا ٹیسٹ رن مکمل کرلیا گیا ہے ، وزیراعظم عمران خان آئندہ ہفتے ملک گیر سطح پرایپ لانچ کریں گے، ٹائیگرزفورس خود ساختہ مہنگائی کی بھی نشاندہی کر سکے گی۔

عثمان ڈار کا کہنا تھا کہ ماسک نہ پہننے والےخریداریادکاندارکےخلاف فوری کارروائی ممکن ہو گی، ہرٹائیگرزفورس کی پرفارمنس اور رضاکارانہ سرگرمیوں کو مانیٹر کیا جائے گا، قومی خدمت کابہترین مظاہرہ کرنےوالےنوجوانوں سےوزیراعظم ملاقات کریں گے۔

Comments

یہ بھی پڑھیں