The news is by your side.

Advertisement

وزیراعظم کی منافع خوروں اورذخیرہ اندوزوں کیخلاف سخت کارروائی کی ہدایت

اسلام آباد : وزیراعظم عمران خان نے منافع خوروں اورذخیرہ اندوزوں کیخلاف سخت کارروائی کی ہدایت کرتے ہوئے کہا منافع خور اور ذخیرہ اندوز غریب دشمن ہیں ، جو رعایت کے مستحق نہیں۔

تفصیلات کے مطابق وزیراعظم عمران خان کی زیرصدارت چینی کی قیمتوں اوردستیابی سےمتعلق جائزہ اجلاس ہوا، اجلاس میں وزراحفیظ شیخ، حماداظہر،اسدعمراوردیگرحکومتی ارکان شریک ہوئے۔

اجلاس میں چیف سیکریٹری پنجاب نے گنےکی فصل،کرشنگ اورچینی اسٹاک سمیت کم وزن تولنےمیں ملوث افراداورمنافع خوروں کیخلاف کارروائی پربریفنگ دی، جس میں بتایا گیا کہ کارروائی میں79افرادزیرحراست ہیں اور190مقدمات درج ہوئے۔

وزیراعظم نے منافع خوروں اورذخیرہ اندوزوں کیخلاف سخت کارروائی کی ہدایت کرتے ہوئے کہا منافع خوراورذخیرہ اندوزغریب دشمن ہیں جورعایت کے مستحق نہیں۔

عمران خان نے کہا اشیائےضروریہ کی قیمتوں اوروافرمقدارمیں دستیابی یقینی بنائی جائے۔

یاد رہے وزیراعظم عمران خان نے ذخیرہ اندوزی کی حوصلہ شکنی کیلئے ٹائیگرز فورس کو پہلا ٹاسک دیتے ہوئے کہا تھا کہ ذخیرہ اندوزی پر قابو پا لیا توصورتحال میں نمایاں بہتری آئے گی، انتظامیہ یقینی بنائے ذخیرہ اندوزی میں ملوث عناصرکیخلاف سخت ایکشن ہو۔

Comments

یہ بھی پڑھیں