اسلام آباد : وزیر اعظم عمران خان نےاسلام آباد ہراسگی اور موٹر وے ریپ کیس کی پیروی پر رپورٹ طلب کرتے ہوئے وزارت قانون کو روزانہ فالو اپ کرکے کیسزمنطقی انجام تک پہنچانے کی ہدایت کردی۔
تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ وزیراعظم عمران خان نے اسلام آباد ہراسگی کیس اور موٹروےریپ کیس کی پیروی پر رپورٹ طلب کرلی اور وزارت قانون کو ہدایت دی کہ روزانہ فالو اپ کرکےکیسزمنطقی انجام تک پہنچایا جائے۔
وزیر اعظم عمران خان کا اسلام آباد ہراسگی کیس اور موٹروے ریپ کیس کی پیروی پر رپورٹ طلب
روزانہ کی بنیاد پر فالو اپ کر کے ان کیسز کو منطقی انجام تک پہنچایا جائے۔ وزیر اعظم کی وزارت قانون کو ہدایت
شہریوں کے حقوق کا تحفظ حکومت کا اولین فرض ہے۔ وزیر اعظم
— Dr. Shahbaz GiLL (@SHABAZGIL) January 12, 2022
وزیراعظم کا کہنا تھا کہ شہریوں کے حقوق کا تحفظ حکومت کا اولین فرض ہے، ریاست ہرصورت ان کیسز کی پیروی کرکےملزمان کوسخت سزائیں دلائے گی۔
ریاست ہر صورت ان کیسز کی پیروی کر کے ملزمان کو سخت سزائیں دلوائی گی۔
موٹر وے ریپ کیس میں ATC میں سزائے موت کی سزا سنائی جا چکی اب اس کے خلاف اپیل 14 فروری کو عدالت میں سنی جا رہی ہے
اس طرح کے بھیانک جرائم میں ملوث عناصر اعتدال پسند معاشرے اور انصاف کے نظام کے لیے چیلنج ہیں۔
— Dr. Shahbaz GiLL (@SHABAZGIL) January 12, 2022
شہبازگل نے کہا کہ موٹر وے ریپ کیس میں موت کی سزا سنائی جا چکی ہے، اپیل 14 فروری کو عدالت میں سنی جا رہی ہے ، بھیانک جرائم کے عناصراعتدال پسند معاشرے اور انصاف کے نظام کیلئے چیلنج ہے۔
یاد رہے وفاقی حکومت نے عثمان مرزاکیس کی خود پیروی کرنے کا فیصلہ کرتے ہوئے کہا تھا کہ خاتون کو برہنہ کرنے کی ناقابل تردید وڈیو بطور ثبوت موجود ہے ، ایسےعمل کرنے والے کو قانون کے مطابق سزاملنی چاہیے۔
