The news is by your side.

Advertisement

وزیراعظم عمران خان کا ڈاکٹراعجاز احسن کے انتقال پر اظہارِ افسوس

اسلام آباد : وزیراعظم عمران خان نے ڈاکٹراعجازاحسن کےانتقال پرافسوس کااظہار کرتے ہوئے کہا وہ پی ٹی آئی کےبانی رکن تھے، ان کی شعبہ صحت میں خدمات یادرکھی جائیں گی۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ڈاکٹراعجازاحسن کےانتقال پرافسوس کااظہار کرتے ہوئے کہا ڈاکٹر اعجاز احسن کےانتقال پردکھ ہوا، وہ پی ٹی آئی کےبانی رکن تھے، جب پارٹی مشکل وقت میں تھی اور اسٹیٹس کو کے خلاف لڑرہی تھی تب وہ ساتھ رہے۔

عمران خان کا کہنا تھا کہ ڈاکٹراعجازاحسن سینٹرل ایگزیکٹوکمیٹی کےممبر بھی رہے اور اوقاراندازمیں اجلاسوں میں شریک ہوتے تھے ، میری دعائیں اورتعزیت اہل خانہ کیساتھ ہیں۔

بعد ازاں وزیراعظم نے پیپلزپارٹی کےسینئررہنماچوہدری اعتزازاحسن سے رابطہ کیا اور ان کے بھائی ڈاکٹراعجازکی وفات پر اظہارتعزیت کرتے ہوئے کہا ڈاکٹراعجاز کی شعبہ صحت میں خدمات یادرکھی جائیں گی ، وہ قومی سرمایہ تھے، ان کی وفات سے پیدا ہونے والا خلاپر نہیں ہوسکے گا۔

چوہدری اعتزازاحسن نے وزیراعظم کا اظہار تعزیت پرشکریہ ادا کیا۔

Comments

یہ بھی پڑھیں