تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم عمران خان نے حسن ابدال ریلوے اسٹیشن کا افتتاح کردیا

اٹک: وزیر اعظم عمران خان نے حسن ابدال ریلوے اسٹیشن کا افتتاح کردیا اور سکھ یاتریوں کیلئے تیارکی گئی ٹرین کا معائنہ بھی کیا۔

تفصیلات کے مطابق حسن ابدال میں ریلوے اسٹیشن کی افتتاحی تقریب کا انعقاد کیا گیا ، جس میں وزیراعظم عمران خان نے حسن ابدال ریلوے اسٹیشن کا افتتاح کردیا اور سکھ یاتریوں کیلئے تیارکی گئی ٹرین کا معائنہ کیا۔

اس موقع پر گورنرکے پی شاہ فرمان، وزیرریلوے شیخ رشید اور ملک امین اسلم بھی عمران خان کے ہمراہ موجود تھے، وزیراعظم کو حسن ابدال ریلوے اسٹیشن پر مختلف سہولتوں سے متعلق بریفنگ دی گئی۔

ریلوےاسٹیشن اپ گریڈیشن منصوبہ سیاحت کیلئے بھی اہمیت کا حامل ہے، حسن ابدال ریلوے اسٹیشن کو اپ گریڈ کر کے مزید بہتر سہولتیں دی گئی ہیں ، ریلوے اسٹیشن پر سکھ یاتریوں کو بھی بہترین سہولتیں میسر ہوں گی۔

خیال رہے حسن ابدال ریلوے اسٹیشن کو 300 ملین روپے کی لاگت سے تعمیر کیا گیا ہے، یہ اسٹیشن 2 فلورز پر مشتمل ہے، جن میں گراﺅنڈ فلور اور فرسٹ فلور شامل ہیں اور اس کا کَورڈ ایریا 24 ہزار 502 مربع فٹ ہے۔

ریلوے اسٹیشن پر مسافروں کی سہولت کے لیے صاف اور ٹھنڈے پانی کے پلانٹ لگائے گئے ہیں، اس کے علاوہ ویٹنگ ایریا کے ساتھ کیٹین/کیفے بھی تعمیر کیاگیا ہے۔

حسن ابدال ریلوے اسٹیشن کی پانی کی ضرورت کو پورا کرنے کے لیے ایک نیا ٹیوب ویل بھی لگایا گیا ہے۔

ریلوے اسٹیشن کی 1 لاکھ ایک ہزار 610 مربع فٹ پر مشتمل باﺅنڈری کو بھی بہتر بنایا گیا ہے جبکہ بجلی کی بلاتعطل فراہمی کے لیے 300 کے وی کا ایک جنریٹر بھی نصب کیا گیا ہے تاکہ بجلی کی روانی میں کوئی خلل نہ پڑے۔

Comments

- Advertisement -