The news is by your side.

Advertisement

اداروں کی کارکردگی اور سروس ڈیلیوری کو بہتر بنایا جائے، وزیراعظم

اسلام آباد: وزیراعظم عمران خان نے کہا ہے کہ اداروں کی کارکردگی اور سروس ڈیلیوری کو بہتر بنایا جائے، عوام کو حکومتی پالیسی اور ان اقدامات سے آگاہ کرنے کی ضرورت ہے۔

تفصیلات کے مطابق وزیراعظم کی زیر صدارت حکومت کی معاشی ٹیم کا اجلاس ختم ہوگیا، اجلاس میں مشیر خزانہ، گورنر اسٹیٹ بینک، چیئرمین ایف بی آر شریک ہوئے، وزیر منصوبہ بندی، وزیر اقتصادی امور، مشیر برائے ادارہ جاتی اصلاحات نے بھی اجلاس میں شرکت کی۔

معاشی ٹیم کے اجلاس میں معاون خصوصی برائے اطلاعات فردوس عاشق اعوان، چیئرمین سرمایہ کاری بورڈ اور سینئر افسران نے بھی شرکت کی، معاشی ٹیم نے وزیراعظم کو معیشت کی بتہری کے لیے اقدامات کے اثرات پر بریفنگ دی، معاشی ٹیم نے کہا کہ معیشت کی بہتری کے لیے اصلاحات کے مثبت نتائج برآمد ہونا شروع ہوگئے ہیں۔

وزیراعظم کو بریفنگ دی گئی کہ حالیہ اعدادوشمار کے مطابق برآمدات میں اضافہ ریکارڈ کیا گیا ہے، برآمدات اور درآمدات کی مد میں تجارتی خسارے میں 38 فیصد کمی ہوئی ہے، ٹیکسوں کی وصولیوں میں بہتری، ٹیکس نیٹ میں اضافہ ریکارڈ ہوا ہے، نجی کاروباری سرگرمیوں میں تیزی کا رجحان دیکھنے میں آیا ہے۔

وزیراعظم عمران خان نے کہا کہ وزارتیں سہ ماہی اہداف، کامیابیوں کے جانچ کے لیے طریقہ کار وضع کریں، طے شدہ اہداف کی تکمیل مقرر کردہ وقت میں مکمل کی جائیں، زراعت کے شعبے سے وابستہ افراد پالیسیوں سے استفادہ کریں۔

عمران خان نے کہا کہ چھوٹی، درمیانے درجے کی صنعتوں کا فروغ ترجیحات میں شامل ہے، حکومت ایس ایم ایز کو ہر ممکنہ سہولت فراہم کرنے کی پالیسی پر کاربند ہے، بند کارخانوں اور صنعتی یونٹس کی بحالی شروع کی جائے۔

وزیراعظم نے کہا کہ نیشنل بینک، اسٹیٹ بینک ودیگر متعلقہ اداروں میں رابطوں کو بہتر کیا جائے، بند صنعتی یونٹس کی بحالی کے لے فوری لائحہ عمل تشکیل دیا جائے۔

Comments

comments

یہ بھی پڑھیں