تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

شاہ خرچیاں ختم کرکے سادہ زندگی گزاریں گے، وزیراعظم عمران خان

کراچی: وزیراعظم عمران خان نے کہا کہ یقین دلاتا ہوں ملک میں بہت جلد بہتری آنے والی ہے، شاہ خرچیاں ختم کرکے سادہ زندگی گزاریں گے۔

ان خیالات کا اظہار وزیراعظم نے میڈیا مالکان، نمائندوں، اینکرز سے ملاقات کے دوران کیا، وزیراعظم نے میڈیا کو کردار کو سراہتے ہوئے کہا کہ امید ہے پاکستانی میڈیا اور اینکرز سچ سامنے لاتے رہیں گے۔

وزیراعظم عمران خان نے کہا کہ ملک سے کرپشن کا خاتمہ، لوٹی دولت واپس لانا اولین ترجیح ہے، ڈیمز بنانے میں میڈیا ہمارا ساتھ دے، ڈیمز ہر صورت بنیں گے، ملک میں ڈیم بننا بہت ضروری ہے، میڈیا کو ڈیم سے متعلق شہریوں کو آگاہی دینی چاہئے۔

عمران خان نے کہا کہ منگل کو وزیرخزانہ اسد عمر منی بل پیش کریں گے، منی بل سے واضح ہوجائے گا ملک کس طرز پر چلے گا، جلد وزیراعظم ہاؤس میں 100 سے زائد گاڑیوں کی نیلامی ہوگی۔

مزید پڑھیں: وزیرِ اعظم عمران خان کا کراچی میں اسٹریٹ کرائمز اور بچوں کے اغوا پر اظہارِ تشویش

قبل ازیں کراچی میں امن و امان کے دیرینہ مسئلے پر ایک اہم ترین اجلاس کی صدارت کی، اجلاس میں انھیں متعلقہ حکام کی جانب سے صوبے بالخصوص شہرِ قائد کی صورتِ حال پر تفصیلی بریفنگ دی گئی۔

وزیرِ اعظم نے اجلاس میں آئی جی سندھ کو امن و امان خراب کرنے والے عناصر کے خلاف بلا تفریق کارروائی کی سخت ہدایت جاری کرتے ہوئے کہا کہ مجرموں کے خلاف آزادانہ کارروائیوں کے لیے پولیس کو سیاسی اثر و رسوخ سے آزاد کیا جائے۔

عمران خان نے آئی جی سندھ ڈاکٹر کلیم امام کو ہدایت کرتے ہوئے کہا کہ پولیس فورس میں افسران میرٹ پر لائے جائیں۔ انھوں نے فورسز کی قربانیوں کی بھی تعریف کی۔

Comments

- Advertisement -