The news is by your side.

Advertisement

اردن کے بادشاہ کا وزیر اعظم کو فون، پاک بھارت کشیدگی پر اظہار تشویش، ثالثی کی پیش کش

اسلام آباد: وزیر اعظم عمران خان کو  اردن کے  شاہ عبداللہ دوئم نے ٹیلی فون کیا، جس میں‌ پاک بھارت کشیدگی پرتشویش کا اظہار کیا گیا۔

تفصیلات کے مطابق پاک بھارت کشیدگی کے تناظر میں‌ دونوں‌ رہنماؤں میں‌ ٹیلی فونک رابطہ ہوا، جس میں شاہ عبداللہ نے کشیدگی میں کمی کے لئے کردارادا کرنے کی پیش کش کی.

پاکستان اور بھارت کے درمیان مسائل کی وجہ کشمیر کا معاملہ ہے، مسئلہ کشمیرکو اقوام متحدہ کی قراردادوں کے مطابق حل ہونا چاہیے

وزیر اعظم عمران خان

عمران خان نے اردن کےفرمان روا کو کشیدگی میں کمی کے لئے اقدامات سے آگاہ کیا، اردن کے فرمان روا نے وزیراعظم کو صورتحال پرقابو پانے پرمبارک باد دی.

وزیر اعظم عمران خان نے کہا کہ پاکستان اور بھارت کے درمیان مسائل کی وجہ کشمیر کا معاملہ ہے، مسئلہ کشمیرکو اقوام متحدہ کی قراردادوں کے مطابق حل ہونا چاہیے.

انھوں نے کہا کہ حکومت کی ترجیح غربت کا خاتمہ کر کے امن اور خوش حالی پھیلانا ہے، بھارت کا جنگی جنون پورے خطے کے لئے خطرناک ہے.

مزید پڑھیں: وزیراعظم عمران خان کا نام نوبل امن انعام کیلئے ٹاپ ٹرینڈ بن گیا

وزیراعظم عمران خان نے اردن کے فرماں روا کی ثالثی کی پیش کش پراظہار تشکر کرتے ہوئے انھیں دورہ پاکستان کی دعوت دی.

واضح رہے کہ وزیر اعظم عمران کی خارجہ پالیسی کو عالمی سطح پر بھی سراہا گیا، بھارتی اخبار نے وزیر اعظم عمران خان کے بھارتی پائلٹ کی رہائی کے اقدام کو ڈپلومیٹک ریوس سوئنگ قرار دیتے ہوئے کہا کہ ریوس سونگ نے بھارت اوربی جے پی کو آؤٹ کر دیا ہے۔

Comments

comments

یہ بھی پڑھیں