The news is by your side.

Advertisement

وزیراعظم عمران خان سے ملیحہ لودھی کی ملاقات، عالمی ایشوز پر بریفنگ

اسلام آباد: وزیراعظم عمران خان سے اقوام متحدہ میں پاکستان کی مستقل مندوب ملیحہ لودھی نے ملاقات کی اور وزیراعظم کو عالمی ایشوز پر بریفنگ دی۔

تفصیلات کے مطابق پاکستانی مندوب ملیحہ لودھی اور وزیراعظم عمران خان کے درمیان ملاقات کے دوران عالمی سطح پر امن مشن میں پاکستان کے کردار پر تبادلہ خیال کیا گیا۔

ملاقات میں اقوام متحدہ امن مشن میں پاکستان کے کردار پر تفصیلی گفتگو ہوئی، وزیراعظم نے علاقائی اور عالمی امن میں پاکستان کاکردار اجاگر کرنے کی ہدایت کی۔

دنیا مان گئی ہےکہ افغان مسئلےکاحل فوجی مہم جوئی میں نہیں، ملیحہ لودھی

خیال رہے کہ گذشتہ ہفتے پاکستانی مندوب ملیحہ لودھی نے کہا تھا کہ وزیراعظم عمران خان نے ہمیشہ افغان مسئلے کے سیاسی حل کی بات کی۔

انہوں نے کہا تھا کہ دنیا مان گئی ہےکہ افغان مسئلےکاحل فوجی مہم جوئی میں نہیں، امریکی صدرنے پاکستانی وزیراعظم سے امن عمل میں مدد کی درخواست کی۔

ملیحہ لودھی نے یہ بھی کہا تھا کہ پاک امریکا تعلقات کے حوالے سے پاکستانی سفیر کا کہنا تھا کہ امریکی صدر نے پاکستانی وزیراعظم سے امن عمل میں مدد کی درخواست کی، وزیراعظم عمران خان نےٹرمپ کے خط کا مثبت جواب دیا، قطر میں امریکہ کی طالبان سے بات چیت خوش آئند پیشرفت ہے۔

Comments

comments

یہ بھی پڑھیں