The news is by your side.

Advertisement

وفاق کراچی کوبراہ راست فنڈز دے: ایم کیو ایم کا وزیر اعظم سے مطالبہ

اسلام آباد: وزیر اعظم عمران خان نے کہا ہے کہ بجٹ کے بعد خود کراچی آ کر بیٹھوں گا اور منصوبوں کا جائزہ لوں گا.

تفصیلات کے مطابق آج وزیراعظم کی زیرصدارت اتحادی جماعتوں کا پارلیمانی اجلاس ہوا. پارلیمانی اجلاس میں ایم کیو ایم پاکستان نے شدید تحفظات کا اظہار کیا.

پارٹی ذرائع کے مطابق رکن اسمبلی اسامہ قادری نے اجلاس میں پھر مطالبات سامنے رکھ دیے، ایم کیوایم نے کراچی کو ترقیاتی پیکج نہ ملنے پر تشویش کا اظہار کیا.

ایم کیو ایم کی جانب سے اسیر اورلا پتا کارکنان کی بازیابی اورپارٹی دفترکھولنے کا مطالبہ بھی دہرایا گیا.

رکن اسمبلی اسامہ قادری نے وزیراعظم کے اردگرد موجود افراد کو تنقید کا نشانہ بناتے ہوئے کہا کہ ماضی میں بھی خوشامدیوں کی وجہ سےحکمران تباہ ہوئے.

مزید پڑھیں: وزیراعظم عمران خان اور روسی صدر کے درمیان ملاقات کی اندرونی کہانی سامنے آگئی

ایم کیو ایم نے مطالبہ کیا کہ وفاق حکومت کراچی کوبراہ راست فنڈز دے، سندھ حکومت نے صوبے کو تباہ کر دیا ہے.

وفاقی نمائندہ کی جانب سے کہا گیا کہ اتحادی پیسے مانگتے ہیں، وفاق پیسے دیتا ہے، وہ لگائے نہیں جاتے. اس کے جواب میں اسامہ قادری نے کہا کہ ہم نے کبھی پیسےنہیں مانگے، ہم پرکوئی کرپشن کا الزام نہیں.

بعد ازاں وزیر اعظم نے کہا کہ میں‌ خود کراچی آؤں گا اور منصوبوں کا جائزہ لوں گا.

Comments

comments

یہ بھی پڑھیں