تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

وزیراعظم عمران خان کا بدھ سے ٹرینیں چلانے کا اعلان

اسلام آباد : وزیراعظم عمران خان نے بدھ سے ٹرینیں چلانے کا اعلان کردیا، وفاقی وزیرریلوے شیخ رشید نے کہا ہے کہ ٹرینوں پر ایس اوپیز کا خیال رکھاجائے گا، ریلوے میں عمر کی کوئی قید نہیں ، سب سفر کرسکتے ہیں۔

تفصیلات کے مطابق وزیراعظم عمران خان کی زیرصدارت کورونا کی صورتحال سےمتعلق اجلاس ہوا، جس میں کورونا صورتحال کا تفصیلی جائزہ لیاگیا اور پبلک ٹرانسپورٹ،ٹرین سروس کی بحالی سےمتعلق اقدامات پر غور کیا گیا جبکہ وزیراعظم کو ٹرانسپورٹ کی بحالی سے متعلق حکومتی اقدامات سے آگاہ کیا گیا۔

وفاقی وزیرریلوے شیخ رشید نے میڈیا سے گفتگو کرتے ہوئے کہا وزیراعظم عمران خان نے بدھ سے ٹرینیں چلانے کی منظوری دے دی ، 30ٹرینیں چلانے کی اجازت دی ہے، جس کے لیے لوگوں نے پہلے ہی آن لائن بکنگ کرارکھی ہے۔

شیخ رشید کا کہنا تھا کہ ریلوے پولیس کے پاس 7ہزار کی نفری ہے ، ٹرینوں پر ایس اوپیز کا خیال رکھاجائے گا، شہری کسی مسافرکولینے یاچھوڑنے کیلئے اسٹیشن نہ آئیں۔

وفاقی وزیرریلوے نے مزید کہا کہ ریلوے کسی صوبوں کی زنجیر ہے ، میری کسی صوبے سے کوئی لڑائی نہیں ہے، ہم صوبوں کے ماتحت نہیں احترام کرتے ہیں، ریلوے میں عمر کی کوئی قید نہیں ، سب سفر کرسکتے ہیں، ایس اوپیز کی خلاف ورزی پرڈویژنل سپرنٹنڈنٹ کیخلاف ایکشن ہوگا۔

ان کا کہنا تھا کہ تمام ریلوے اسٹیشنز پرکل ریہرسل کی جائےگی ، 31 مئی تک حالات ٹھیک رہے تو یکم جون سے تمام ٹرینیں بحال کردیں گے، ریلوے غریب کی سواری ہے کرایوں میں اضافہ نہیں کیا، مسافرآدھے ہونے کے باوجود بھی کرایوں میں اضافہ نہیں کیا۔

شیخ رشید نے کہا کہ 31 جولائی سے پہلے جھاڑو پھر جائے گا، ملک لوٹنےوالے سب اندر ہوں گے تاہم نیب آرڈیننس میں ترمیم کو سپورٹ نہیں کروں گا۔

Comments

- Advertisement -