عمران خان نے وعدہ پورا کیا، اہم قومی عمارتوں کو عوام کے لیے استعمال کرنے کے احکامات جاری
The news is by your side.

Advertisement

عمران خان نے وعدہ پورا کیا، اہم قومی عمارتوں کو عوام کے لیے استعمال کرنے کی ہدایات جاری

اسلام آباد:  وزیراعظم عمران خان نے اہم قومی عمارات کوعوام کے استعمال سے متعلق چاروں گورنرز، وزرائے اعلیٰ، وفاقی وزرا کو خط لکھ دیا.

تفصیلات کے مطابق وزیراعظم نے اپنے خط میں‌ کہا کہ پاکستان کو اس وقت بڑے معاشی بحران کا سامنا ہے، ہمارا قرضہ 30 کھرب روپے سے زائد ہو چکا ہے.

عمران خان کا کہنا ہے کہ ہم صرف 6 ارب روپے روزانہ سود کی مد میں ادا کررہے ہیں، ان ہی حالات کے باعث وزیراعظم ہاؤس میں رہنے کے بجائےمعمولی گھر میں رہنے کا فیصلہ کیا.

ان کا کہنا تھا کہ گورنرز، وزرائےاعلیٰ کے زیر استعمال عمارات سے فائدہ اٹھایا جاسکتا ہے، مستقبل میں عمارات کو استعمال میں لانے کے لئے اقدامات کئے جائیں.

مزید پڑھیں: عمران خان اور طیب اردوان موجودہ صدی کے لیڈر ہیں، بشریٰ بی بی

موصولہ اطلاعات کے مطابق اہم قومی عمارات کواستعمال میں لانے کے لئےایک اور کمیٹی قائم کی جائے گی، وزیراعظم عمران خان کمیٹی کے سربراہ ہوں گے.

کمیٹی میں شفقت محمود، اعظم خان، انجینئرعامرحسن، تہمینہ جنجوعہ شامل ہوں‌ گے.

حکومتی منصوبے کے مطابق وزیراعظم ہاؤس کو 3 سے 5 سال میں یونیورسٹی بنایا جائے گا، گورنر ہاؤس مری کو 45 روزمیں ہوٹل بنانے کی تجویز پیش کی گئی ہے.

پنجاب ہاؤس مری کو 45 روز میں ٹورسٹ کمپلیکس، پنجاب ہاؤس راولپنڈی کو3ماہ میں آئی ٹی پارک بنانے کی تجویز بھی سامنے آئی ہے.

Comments

comments

یہ بھی پڑھیں