The news is by your side.

Advertisement

وزیر اعظم عمران خان 4 روزہ سرکاری دورے پر چین پہنچ گئے

بیجنگ: وزیرِ اعظم عمران خان چین کے دورے پر بیجنگ پہنچ گئے ہیں، جہاں پاکستان میں تعینات چینی سفیر نے ان کا استقبال کیا۔

تفصیلات کے مطابق وزیر اعظم عمران خان بیجنگ پہنچ گئے، وہ چار روزہ سرکاری دورے پر چین گئے ہیں، چائنیز پیپلز پالیٹکل کنسلٹیٹو کانفرنس کی بیجنگ میونسپل کمیٹی کی ڈپٹی سیکریٹری جنرل مس لی لائی فینگ، پاکستان میں چینی سفیر یاؤ جنگ اور چین میں پاکستان کے سفیر مسعود خالد نے ان کا استقبال کیا۔

شیخ رشید، فیصل واوڈا، عبد الحفیظ شیخ، رزاق داؤد اور چیئرمین ٹاسک فورس سائنس اینڈ ٹیکنالوجی ڈاکٹرعطا الرحمان بھی وزیر اعظم کے ہم راہ ہیں۔

واضح رہے کہ وزیر اعظم عمران خان دورہ چین میں بیلٹ اینڈ روڈ فورم کی افتتاحی تقریب میں پاکستان کی نمائندگی کریں گے، چینی صدر سے ون آن ون ملاقات 28 اپریل کو ہوگی۔

یہ بھی پڑھیں:  وزیراعظم عمران خان چار روزہ دورے پر چین روانہ

وزیر اعظم کا دورہ چین 25 سے 29 اپریل تک ہے، آفیشل ملاقاتوں کا سلسلہ کل سے شروع ہوگا، عمران خان کی ورلڈ بینک سی ای او کرسٹالینا جارجیوا اور آئی ایم ایف ایم ڈی کرسٹینا لوگارڈ سے بھی اہم ملاقات طے ہے، آئی ایم ایف ایم ڈی سے ملاقات 26 اپریل کو شام 5 بجے شیڈول ہے۔

وزیر اعظم کی ہواوے کمپنی کے سی ای او سے ملاقات بھی شیڈول ہے، جب کہ پاک چین ٹریڈ انویسٹمنٹ فورم وزیر اعظم کے اعزاز میں ظہرانہ دے گا، عمران خان کار بنانے والی نجی کمپنی کے ہیڈ کوارٹرز کا بھی دورہ کریں گے۔

Comments

comments

یہ بھی پڑھیں