The news is by your side.

Advertisement

وزیراعظم عمران خان نے تائیوان کے ساتھ رابطوں پر پابندی عائدکر دی

اسلام آباد : وزیراعظم عمران خان نے تائیوان کے ساتھ رابطوں پر پابندی عائد کر دی، پابندی ون چائنہ پالیسی کے تحت عائد کی گئی ہے۔

تفصیلات کے مطابق حکومت پاکستان نے تائیوان سے متعلق اہم فیصلہ کرلیا ، وزیر اعظم عمران خان نےتائیوان کے ساتھ رابطوں پر پابندی عائدکر دی۔

تائیوان کے ساتھ سرکاری ،نیم سرکاری رابطوں پر پابندی عائد ہوگی ، پاکستان کی جانب سے ون چائنہ پالیسی کے تحت پابندی عائد کی گئی ہے۔

حکومت کے تمام وزارتوں، ڈویژنوں اور اداروں کو آگاہ کردیا۔

یاد رہے عمران خان 3 سے 5 نومبر تک چین کا دورہ کریں گے، قیام کے دوران چینی صدر اور وزیر خارجہ سے ملاقات کریں گے، جس میں سی پیک، سرمایہ کاری اور معاشی تعاون پر بات چیت ہوگی۔

مزید پڑھیں : وزیر اعظم عمران خان 3 نومبر کو دورہ چین کے لیے روانہ ہوں گے

چین کے دیگر اعلیٰ حکام کے ساتھ وزیر اعظم کی ملاقاتیں بھی شیڈول میں شامل ہیں۔ وزیر اعظم 5 نومبر کو شنگھائی میں عالمی درآمدی نمائش میں مہمان ہوں گے۔

وزیر اعظم کے دورہ چین کے دوران اقتصادی و دفاعی تعاون اور سی پیک منصوبوں پر اہم پیش رفت کا امکان ہے۔

واضح رہے کہ تائیوان 1949ء کے کمیونسٹ انقلاب کے دوران چین سے علیحدہ ہوا تھا، جس کے بعد چینی حکومت نے دعویٰ کیا تھا کہ تائیوان اس کا صوبہ ہے۔

خیال رہے چین کی حکومت تائیوان سے تعلقات قائم کرنے والے ممالک سے سفارتی تعلقات ختم کرنے کا اعلان کرچکی ہے۔

Comments

comments

یہ بھی پڑھیں