عثمان بزدار کا انتخاب پنجاب میں نئے دور کا آغاز ہے، عمران خان -
The news is by your side.

Advertisement

عثمان بزدار کا انتخاب پنجاب میں نئے دور کا آغاز ہے، عمران خان

اسلام آباد: وزیرِ اعظم عمران خان نے پنجاب کے نو منتخب وزیرِ اعلیٰ سردار عثمان بزدار کو ٹیلی فون کرکے مبارک باد دی، انھوں نے کہا کہ عثمان بزدار کے انتخاب سے پنجاب میں ایک نئے دور کا آغاز ہوا ہے۔

تفصیلات کے مطابق وزیرِ اعظم عمران خان نے سردار عثمان بزدار کو ٹیلی فون کے ذریعے وزیرِ اعلیٰ پنجاب منتخب ہونے پر مبارک باد دی، وزیرِ اعظم نے امید ظاہر کی پنجاب میں بھی تبدیلی کا آغاز ہو گیا ہے۔

عمران خان نے کہا ’سردار عثمان بزدار کے انتخاب سے پنجاب میں نئے دور کا آغاز ہوا ہے۔‘ خیال رہے کہ وزیرِ اعظم پاکستان نے سیاسی مخالفین کے پروپیگنڈے اور میڈیا ٹرائل کے باوجود عثمان بزدار کو سپورٹ کیا۔

سردارعثمان بزدار کو وزیرِ اعلیٰ پنجاب کے عہدے کے لیے نامزد بھی وزیرِ اعظم پاکستان عمران خان نے کیا، عثمان بزدار تونسہ کے نہایت پس ماندہ علاقے سے تعلق رکھتے ہیں۔


یہ بھی پڑھیں:  تحریک انصاف کےعثمان بزدار وزیراعلیٰ پنجاب منتخب

اسے بھی ملاحظہ کریں:  میرا نام وزیرِ اعلیٰ کے لیے منتخب ہونا بریکنگ نیوز تھی، عثمان بزدار


آج قومی اسمبلی میں پنجاب کی وزارتِ اعلیٰ کے لیے انتخاب عمل میں لایا گیا، جس میں پی ٹی آئی کے عثمان بزدار نے 189 جب کہ ان کے مد مقابل مسلم لیگ ن کے حمزہ شہباز نے 159 ووٹ حاصل کیے۔

Comments

comments

یہ بھی پڑھیں