The news is by your side.

Advertisement

وزیر اعظم نے وفاقی کابینہ کا اجلاس 30 اپریل کو طلب کر لیا

اسلام آباد: وزیراعظم پاکستان عمران خان نے وفاقی کابینہ کا اجلاس 30 اپریل کوطلب کر لیا.

تفصیلات کے مطابق اس اہم اجلاس میں وزیراعظم اوروزیر خارجہ کابینہ کو دورہ چین پراعتماد میں لیں گے، مشیر خزانہ اورمشیر تجارت پاک چین معاہدوں پر بریفنگ دیں گے.

اس اجلاس میں وزیر  منصوبہ بندی سی پیک کے دوسرے مرحلے پر کابینہ کو اعتماد میں لیں گے، وفاقی کابینہ 16 نکاتی ایجنڈے پر غور کرے گی، پٹرولیم، پاور ڈویژن کو الگ الگ وزارت بنانے کا جائزہ لیا جائے گا.

حکومتی ذرائع کے مطابق آف شور ڈرلنگ کے لئے مشینری در آمدپر اضافی ڈیوٹی سے استثنیٰ کی منظوری کا امکان ہے، مختلف عدالتوں میں ججز کی تعیناتی کی منظوری بھی ایجنڈے میں شامل ہے، رولزآف پروسیجر شیڈول ٹومیں انکوائری ایکٹ2017 کی شمولیت ایجنڈے کا حصہ ہے.

مزید پڑھیں: اقتصادی راہداری منصوبہ پاکستان کیلئےایک نعمت ہے، وزیراعظم عمران خان

اجلاس میں کابینہ کمیٹی برائے توانائی کے فیصلوں کی توثیق کی جائے گی، کابینہ کو موجودہ نظام تعلیم کی تجدید نو پر بریفنگ دی جائے گی، کابینہ بائیولوجیکل اینڈ ٹاکسن ہتھیاروں کے کنونشن کے بل کی منظوری بھی متوقع ہے.

پاکستان براڈ کاسٹنگ ایسوسی ایشن کے ڈی جی کی تقرری ایجنڈے کا حصہ ہے، قحط سے بچاؤ کے لئے منصوبہ بندی کی منظوری بھی دیے جانے کا امکان ہے.

Comments

comments

یہ بھی پڑھیں