وزیراعظم نے کابینہ کا اجلاس کل طلب کرلیا، اہم فیصلے متوقع
The news is by your side.

Advertisement

وزیراعظم نے کل کابینہ اجلاس طلب کرلیا، اہم فیصلے متوقع، دفتر خارجہ کا بھی دورہ کریں گے

اسلام آباد: وزیراعظم نے کابینہ اجلاس کل نماز جمعہ کے بعد طلب کر لیا، جس میں وزارت کیڈ ختم کرنے کی منظوری دی جائے گی.

تفصیلات کے مطابق کل ہونے والے اجلاس میں اہم فیصلے متوقع ہیں، اجلاس میں وزارتوں سےمتعلق امور زیر بحث آئیں گے.

ذرائع کے مطابق اجلاس میں ملک کی لوٹی ہوئی دولت واپس لانےکےاقدامات کاجائزہ لیا جائے گا، وزیراعظم کومنی لانڈرنگ سےمتعلق امورپربھی بریفنگ دی جائے گی.

اجلاس میں وزارت کیڈ ختم کرکےکابینہ ڈویژن کےماتحت کرنےکی منظوری دی جائے گی. ساتھ ہی 100روزہ پلان پرفوری عمل درآمد کے لیے اقدامات کا جائزہ لیا جائے.

وزیر خزانہ اسد عمر ملک کی معاشی صورتحال پر بریفنگ دیں گے، نیز منی لانڈرنگ سے متعلق بریفنگ دی جائے گی۔


امید ہے کلبھوشن کے معاملے پر ہمیں عالمی عدالت میں کامیابی ملے گی، وزیرخارجہ


واضح رہے کہ وفاقی کابینہ کے کل ہونے والے اجلاس کاوقت تبدیل کردیا گیا ہے، پہلے یہ اجلاس کل صبح 11 بجے منعقد ہونا تھا.

وزیر اعظم کل دفتر خارجہ کا دورہ کریں گے

وزیراعظم عمران خان کل صبح وزارت خارجہ کادورہ کریں گے، جس میں  وزارت خارجہ حکام خارجہ پالیسی پر انھیں ریفنگ دیں گے۔

اس دوران ہمسایہ ممالک کیساتھ تعلقات سےمتعلق امورکاجائزہ لیاجائے گا، چین،امریکا،روس،یورپی ممالک سےتعلقات بھی زیرغورآنےکاامکان

ہے۔ ساتھ ہی بھارت کے ساتھ تعلقات بہتربنانے، مذاکرات میں پیش رفت پربھی غورہوگا۔

یاد رہے کہ آج وزیرخارجہ شاہ محمود قریشی نے اپنے ایک بیان میں کہا تھا کہ مستقبل میں ہمیں کچھ تلخ فیصلے کرنے ہوں گے،کلبھوشن سے متعلق  ٹھوس شواہد ہیں ، امید ہے کلبھوشن کے معاملے پر ہمیں عالمی عدالت میں کامیابی ملے گی۔

Comments

comments

یہ بھی پڑھیں