وزیرِ اعظم عمران خان کا کراچی میں اسٹریٹ کرائمز اور بچوں کے اغوا پر اظہارِ تشویش -
The news is by your side.

Advertisement

وزیرِ اعظم عمران خان کا کراچی میں اسٹریٹ کرائمز اور بچوں کے اغوا پر اظہارِ تشویش

کراچی: وزیرِ اعظم کی زیرِ صدارت کراچی کے امن و امان پر اہم اجلاس میں عمران خان کو کراچی سمیت سندھ کی صورتِ حال پر بریفنگ دی گئی، وزیرِ اعظم نے شہر میں اسٹریٹ کرائمز اور بچوں کے اغوا پر تشویش کا اظہار کیا۔

تفصیلات کے مطابق وزیرِ اعظم عمران خان نے کراچی میں امن و امان کے دیرینہ مسئلے پر ایک اہم ترین اجلاس کی صدارت کی، اجلاس میں انھیں متعلقہ حکام کی جانب سے صوبے بالخصوص شہرِ قائد کی صورتِ حال پر تفصیلی بریفنگ دی گئی۔

وزیرِ اعظم نے اجلاس میں آئی جی سندھ کو امن و امان خراب کرنے والے عناصر کے خلاف بلا تفریق کارروائی کی سخت ہدایت جاری کرتے ہوئے کہا کہ مجرموں کے خلاف آزادانہ کارروائیوں کے لیے پولیس کو سیاسی اثر و رسوخ سے آزاد کیا جائے۔

وزیرِ اعظم نے آئی جی سندھ ڈاکٹر کلیم امام کو ہدایت کرتے ہوئے کہا کہ پولیس فورس میں افسران میرٹ پر لائے جائیں۔ انھوں نے فورسز کی قربانیوں کی بھی تعریف  کی۔


پہلی میٹنگ کا احوال بھی جانیں: کراچی میں صفائی کا بہترنظام اورپانی کا منصوبہ اولین ترجیح ہے‘ عمران خان


عمران خان نے ماضی کی ٹارگٹڈ آپریشن کی حکمت عملی کو جاری رکھنے کا عندیہ دیتے ہوئے کہا کہ جرائم کے خلاف ٹارگٹڈ آپریشن اور ٹارگٹڈ ترقی حکومت کا وژن ہے۔

دریں اثنا وزیرِ اعظم سے صدر عارف علوی، گورنر سندھ عمران اسماعیل اور وزیرِ اعلٰی سندھ مراد علی شاہ نے خصوصی ملاقاتیں بھی کیں۔

Comments

comments

یہ بھی پڑھیں