The news is by your side.

Advertisement

وزیر اعظم عمران خان کی زیر صدارت وفاقی کابینہ کا اجلاس شروع

اجلاس میں صرف قومی نوعیت کے ضروری معاملات کو ترجیح دی جائے: وزیر اعظم کی ہدایت

اسلام آباد: وزیر اعظم عمران خان کی زیر صدارت وفاقی کابینہ کا اجلاس شروع ہوگیا ہے، وزیر اعظم نے ہدایت کی ہے کہ صرف قومی نوعیت کے ضروری معاملات کو پیش کیا جائے۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس شروع ہوگیا، وزیر اعظم کی ہدایت پر ایجنڈا آئٹمز کو محدود کر دیا گیا ہے۔ وزیر اعظم نے ہدایت کی کہ قومی نوعیت کے ضروری معاملات کو ترجیح دی جائے۔

کابینہ اجلاس میں اقتصادی رابطہ کمیٹی کے فیصلوں کی منظوری دی جائے گی، وزیر اعظم نے عوامی فلاح و بہبود منصوبوں کے لیے تجاویز بھی طلب کرلیں۔ کراچی، لاہور، پشاور اور ملتان میں بلند عمارتوں کی تعمیر کا معاملہ ایجنڈے میں شامل ہے۔

اجلاس میں پاکستان کرکٹ بورڈ کے اہم انتظامی معاملات اور نیشنل فرٹیلائزر کو آپریشن کے چیف ایگزیکٹو آفیسر کو عہدے سے ہٹانے کی منظوری دی جائے گی۔

کابینہ اجلاس میں یونیورسٹی آف انجینیئرنگ اینڈ ایمرجنگ ٹیکنالوجی کے قیام کا بل بھی ایجنڈے کا حصہ ہے، احساس پروگرام کے زیر انتظام منصوبوں کی بھی منظوری دی جائے گی۔

وفاقی کابینہ کو احساس پروگرام پر عملدر آمد اور وزارت مواصلات کی کارکردگی پر بھی بریفنگ دی جائے گی۔

Comments

comments

یہ بھی پڑھیں