The news is by your side.

Advertisement

وفاقی حکومت کی جانب سے آئندہ 24گھنٹے میں اہم فیصلوں کاامکان

اسلام آباد : وزیراعظم عمران خان نے حالیہ پٹرول کی قلت پرسخت تشویش کا اظہار کرتے ہوئے سخت فیصلوں کو عندیہ دے دیا، وفاقی حکومت کی جانب سے آئندہ 24گھنٹے میں اہم فیصلوں کا امکان ہے۔

تفصیلات کے مطابق وزیر اعظم عمران خان کی زیر صدارت وفاقی کابینہ اجلاس ہوا ، جس میں 8 نکاتی ایجنڈا پر غور کیا گیا اور تازہ سیاسی اور معاشی صورت حال کا جائزہ لیا گیا۔

وفاقی کابینہ نے ملک میں پٹرول کی مصنوعی قلت کا نوٹس لیتے ہوئے معاملہ وزیراعظم کے سامنے اٹھا دیا،وفاقی وزرااجلاس میں استفسار کیا پٹرول بحران کون پیدا کررہاہے؟ اوگراحالیہ بحران میں بحیثیت ریگولیٹرناکام دکھائی دے رہاہے، بعض کابینہ اراکین نے وزیرتوانائی عمر ایوب سے بھی سخت سوالات کئے۔

وزیراعظم عمران خان نے بھی حالیہ پٹرول کی قلت پرسخت تشویش کا اظہار کرتے ہوئے سخت فیصلوں کو عندیہ دے دیا اور فیصلہ کیا اوگراسمیت ذمہ داروں سے رعایت نہیں ہوگی۔

وفاقی حکومت کی جانب سے آئندہ 24گھنٹے میں اہم فیصلوں کا امکان ہے، وفاقی وزرا نے پرائیویٹ اسپتال مافیاکےخلاف بھی ایکشن کامطالبہ کرتے ہوئے کہا کہ پرائیویٹ اسپتال مافیا غریب عوام کو لوٹنے کی منصوبہ بندی کر رہا ہے۔

وفاقی وزیر مراد سعید اور فیصل واوڈا نے معاملہ کابینہ کے سامنے اٹھایا اور کہا نجی اسپتال مافیا کورونا کے چکر میں عوام کو لوٹ رہے ہیں، صوبائی حکومتوں کو انتظامی معاملات بہتر کرنے کی ہدایت کی جائے۔

Comments

یہ بھی پڑھیں