The news is by your side.

Advertisement

قومی سلامتی کمیٹی اجلاس کے باعث وفاقی کابینہ کے اجلاس کا وقت تبدیل

اسلام آباد : وزیراعظم عمران خان کی زیر صدارت وفاقی کابینہ کا اجلاس 4 بجے ہوگا، جس میں بھارتی دھمکیوں، سعودی ولی عہد کے دورے اور معاشی صورتحال پر غور کیاجائے گا۔

تفصیلات کے مطابق قومی سلامتی کمیٹی اجلاس کےباعث وفاقی کابینہ کے اجلاس کا وقت تبدیل کردیا گیا ، وزیراعظم عمران خان کی زیر صدرارت وفاقی کابینہ کا اجلاس 4 بجےشروع ہو گا، جس میں اہم ایشوز پر بات ہوگی اور بھارتی دھمکیوں، سعودی ولی عہد کے دورے اور معاشی صورتحال پر غور کیاجائے گا۔

وفاقی کابینہ اجلاس میں13 نکاتی ایجنڈے پر تبادلہ خیال کیا جائے گا، سرکاری افسران کی مدت ملازمت کے تحفظ کا معاملہ، کابینہ سگریٹ اور نقصان دہ میٹھے مشروبات پر بھی ہیلتھ لیوی ٹیکس عائدکرنے کی منظوری ایجنڈے میں شامل ہیں۔

وفاقی کابینہ نادرا کے اکاونٹس کے آڈٹ کی منظوری دے گی اور پاسپورٹ میں پیشہ تبدیل کرنے کے معاملے پر غور کرے گی۔

برطانوی شہری عبدالقادراحسن کی حوالگی کامعاملہ ، ای او بی آئی اورآئی ٹی این ای کے چیئرمین کی تقرری اور چین پاکستان کےاداروں میں مختلف ایم او یودستخط کی منظوری کابینہ ایجنڈے کا حصہ ہیں۔

اجلاس میں کابینہ کےگزشتہ فیصلوں کی توثیق بھی کی جائے گی۔

یاد رہے 14 فروری کو ہونے والے وزیراعظم عمران کی زیرصدارت وفاقی کابینہ کا اجلاس میں 20 نکاتی ایجنڈے پرغور کیا گیا تھا اور سعودی عرب کے ساتھ 8 معاہدوں کی منظوری دی گئی تھی۔

بعد ازاں وزیر اطلاعات نے پریس کانفرنس کرتے ہوئے کہا تھا کہ کابینہ اجلاس میں پمز کے بورڈ کی منظوری دی گئی ہے، اےاین ایف پالیسی کابینہ میں پیش کی گئی جبکہ صنعتی زونز کو گیس، بجلی کی فراہمی یقینی بنائی جائے گی۔

Comments

comments

یہ بھی پڑھیں